“Kurir” shkruan se kombëtarja serbe do të udhëtojë në Shqipëri me kuzhinierët e saj. Velimir Mitrovic do të jetë shefi i kuzhinës për përfaqësuesen dhe do të kontrollojë të gjitha ushqimet në hotelin e përfaqësueses në Tiranë.
Kuzhinieri serb sipas “Kurir” thuhet se është urdhëruar që të gjitha ushqimet t’i marrë nga Serbia për shkaqe sigurie.
Federata Serbe e Futbollit në Shqipëri do të marrë edhe një sasi të konsiderueshme uji.
“Ata nuk duan të ndodhë e njëjta skenë si me skuadrën e Luksemburgut gjatë një turneu të kohëve të fundit në Bjellorusi, kur në Minsk kanë pësuar helmim nga ushqimi”, shkruan “Kurir” për justifikim.
Ndeshja mes Shqipërisë dhe Serbisë do të luhet më 8 tetor në orën 20:45 të mbrëmjes në stadiumin Elbasan Arena. Serbia do të mbërrijë në Tiranë një ditë para ndeshjes.
d.b/shqiptarja.com