Katër ditë nga tërmeti i fuqishëm që tronditi vendin tonë, lëkundje të tjera janë ndjerë në afërsi të Kepit të Rodonit.
Lëkundja më e fortë e datës së sotme ka qenë me magnitudë 3.8. Kjo lëkundje është ndjerë rreth orës 01:24 të natës, ndërsa epiqendra ka qenë 30 km në veri të Durrësi, Pranë Kepit të Rodonit. Kjo lëkundje është ndjerë në disa qytete, kryesisht, Durrës, Krujë, Kamëz e Tiranë.
Po ashtu lëkundje më të lehta kanë rënë deri në orët e para të mëngjesit. Rreth orë 04:29 një tërmet ka rënë në Ballsh, shumë kilometra larg 'vatrës' së nxehtë të lëkundjeve të ditëve të fundit.
Ndërkohë në një lidhje telefonike për Report TV, sizmiologu, Rrapo Ormëni është shprehur se rreziku i madh ka kaluar dhe lëkundjet që ndihen tani, janë pasgoditje të tërmetit.
"Procesi ka vijuar, kemi theksuar se pas goditjet vijojnë. Kjo është normale. Më e madhja ka qenë 3.8. Është ndjerë në zonat afër epiqendrës. Është proces i zakonshëm nuk ka gjë për tu shqetësuar, këto ndihen më së shumti në zonat rrethuese. Deri sa të vendoset ekuilibri." ka thënë Ormëni.
Më datë 21 shtator Shqipëria u shkund nga 25 lëkundje tërmeti. Tërmeti i parë me magnitudës 5.8 me epiqendër në detin Adriatik dhe intensitet 7.5 ballë, 30 km në veri të Durrësit, është ndjerë në të gjithë qytetet e vendit në orën 16:09. Lëkundja e dytë është shënuar në orën 16:15 me magnitudë 5.2. Këto ishin dhe dy lëkundjet më të forta të tërmetit me epiqendër në detin Adriatik pranë Durrësit.
108 persona kanë mbetur të lënduar dhe janë paraqitur në spitalet e Durrësit dhe Tiranës për të marrë ndihmën e parë mjekësore ndërkohë që mes tyre ka qenë edhe një turist i huaj.
Në të gjithë vendin janë dëmtuar 563 banesa, ndërkohë që 28 pallate kanë pësuar plasaritje por pa rrezik për shembje.
Lajme të tjera
-
Zbulohen portrete dhe figura shenjtorësh gjatë punimeve në Kishën e Shna Ndout në Kepin e Rodonit
5 Nëntor, 17:44 -
Greqi/ Tërmet me magnitudë 5.3 në Selanik, ja ku ishte epiqendra
3 Nëntor, 18:29 -
Ndërhyrje për restaurimin e murales në Kishën e Shna Ndout
31 Tetor, 09:00 -
Tërmeti shkund Greqinë, epiqendra afër Mitilinit dhe Lesbos! Ja sa ishte forca dhe të dhënat e para nga terreni
27 Tetor, 17:38 -
Tërmet me magnitudë 3.8 në Fier, lëkundjet ndihen në Vlorë, Lushnje e Mallakastër! Ja ku ishte epiqendra
25 Tetor, 19:37 -
VIDEOLAJM/ Tërmeti i fuqishëm ‘shkundi’ Turqinë, spikeren e zë paniku gjatë transmetimit live
16 Tetor, 15:18 -
Tërmeti i fuqishëm shkund Turqinë, ja sa ishte forca dhe ku ishte epiqendra! Nuk ka raportime për viktima (VIDEO)
16 Tetor, 10:48 -
Tërmet 4 ballë godet kufirin Shqipëri-Greqi, ndjehet edhe në Sarandë
1 Tetor, 07:46
-
Tërmeti ‘godet’ El Salvadorin, me magnitudë 6.1! Shikoni pamjet se si lëkunden banesat (VIDEO)
29 Gusht, 09:56 -
Greqi/ Tërmeti godet Rodosin, me magnitudë 4.2 rihter
22 Gusht, 19:00 -
VIDEO/ Tërmeti i fortë shkund Tajvanin dhe lëkund kullat qindrakatëshe! Ja sa ishte forca sizmike dhe epiqendra
16 Gusht, 08:08 -
Tërmet i fortë me magnitudë 7.1 godet Japoninë, paralajmërohet për cunami
8 Gusht, 11:14
