POP 5

Lajmet më të lexuara të 5 minutave të fundit

Sociale

Aleksandri nga Lezha bëhet me karrocë pas apelit në Report Tv! Shqiptari nga Londra i realizon dëshirën për të shkuar në shkollë

Pas apelit në Report TV, Aleksandër Lekaj nga Lezha është pajisur me karrocë të re elektrike me të cilën shkon çdo ditë në shkollë. Kërkesës iu përgjigj bujarisht një emigrant në Londër, ndërsa të tjerë donatorë po ndihmojnë 38-vjeçarin me probleme shëndetësore e ekonomike, por që nuk i mungon dëshira për arsimim.

Kërkesa e Aleksander Lekës për një karroce elektrike, që mundëson transportin në shkollë u bë realitet.

Pas apelit në Report TV, u përgjigj Ardjan Kaçi një shqiptar nga Vau i Dejës që jeton në Londër. Ai solli karrocën e re dhe tashmë Aleksandri u rikthye në shkollë.

Emocioni i lexohet në sy, teksa mbërrin në oborr dhe përshëndet mësuesit dhe nxënësit.

38-vjeçari, invalid i kategorisë së parë falenderon Report tv dhe donatorin që i mundësuan arsimimin.

“Ndjehem mire dhe jam i gëzuar! Falenderoj Report TV, drejtoreshen e shkollës dhe mësuesit. Po kështu dhe ata që më sollën dy karroca. Kur është kohe e mire unë mund të vij në shkollë, ndërsa në dimër kur ka shi nuk mund të vij me karrocë, ndaj kërkoj nga Bashkia dhe Drejtoria Arsimore të më mundësojnë udhëtimin me makinë”, tha Aleksander Lekaj

Aleksandri Leka ka lindur me probleme të rënda shëndetësore dhe jeton në kushte të vështira në fshatin Mërqi të Lezhës. Edhe pse në moshë madhore është nxënës i klasës së 8-të në shkollën “Nënë Tereza”. Prej shtatorit kishte mbetur pa mësim, pasi ishte prishur karroca e vjetër. Tashmë që ka një të re, udhëton çdo ditë 5 kilometra nga fshati drejt shkollës në qytetin e Lezhës. Historia e tij u publikua më 6 tetor në Report TV dhe Shqiptarja.com. Në rrjetet tona sociale mbërritën me dhjetëra mesazhe të shqiptarëve kudo në botë. Përpos emigrantit nga Londra janë të shumtë donatorët që po ofrojnë çdo ditë ndihma financiare e materiale për Aleksandrin!

Kushdo që dëshiron të ofrojë ndihmë të kontaktojë në numrin e Aleksandër Lekajt +355 67 670 1860

SI.E./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51