Sezoni turistik/ Veliaj: Do shtohet volumi i pastrimit të Tiranës, udhëzoni turistët të mos lënë qeset me plehrat tek dera

Tirane- Një aksion vullnetar për pastrimin e Tiranës është ndërmarrë sot. Kryebashkiaku Erion Veliaj I është bashkuar një grupi nxënësish vullnetarë të shkollave “Ismail Qemali”, “Sami Frashëri” dhe “Eqerem Çabej”

Veliaj kërkon nxitjen e sensibilizimit të një ambienti të pastër edhe mes qytetarëve,  krahas punës së përditshme që bëjnë ndërmarrjet e pastrimit

“ Në korrik-gusht fillojnë pushimet, çka do të thotë se shtohet volume i mbetjeve në Tiranë sepse do të shtohen turistët. Nëse shifrat vazhdojnë si ato të fillim vitit dhe ne shkojmë në 14-15 milionë turistë, do të thotë se mesatarisht në Tiranë do të kemi çdo muaj nga 1 milionë qytetarë shtesë, veç rezidentëve. Pra, edhe volumi i pastrimit do të shtohet, por do të na duhet të shtohet edhe volumi i kulturës dhe i pastërtisë që mban secili për vete”, tha Veliaj.

LEXO EDHE:
FOTO/ Veliaj në Davos, vlerësohet për transformimin e Tiranës: Shembull i ndryshimit me guxim dhe kreativitet

Kryetari I bashkisë vuri në dukje dhe një fenomen që po ndodh me turistët që bujtin në Tiranë me Airbnb

“Ka shumë turistë që vijnë nga vende të tjera, të cilat nuk e praktikojnë hedhjen e mbetjeve në kosh, por i lënë me qese të zeza te dera. Këto qese rrinë në tokë për orë të tëra dhe bëhen problematike për kafshët e rrugëve. Për këtë arsye u kërkoj qytetarëve të Tiranës që, nëse dikush ka ardhur për të bujtur me Airbnb në banesën e tyre, t’i njoftojnë se ne i çojmë qeset te koshi” tha Veliaj

S.G/A.M/Shqiptarja.com

TAG:
• Tirane
• erion veliaj