Sfidat e të rinjve drejt profesionit, skulptorja Juli Miftari rrëfen paragjykimet: Shokët më thonë si prek baltë

TIRANË- Në një intervistë në emisionin “Rreze Dielli” në Report Tv, takuam një nga vajzat e rralla e cila ka zgjedhur si profesion skulpturën. Ende e vështirë të hasësh në Shqipërinë e vogël, vajza që përzgjedhin profesione të tilla, që konsiderohen si profesione të cilat anojnë më shumë nga ana e meshkujve.

Juli Miftari është skulptorja e re e cila me bindje të plotë ka zgjedhur që të ushtrojë një profesion paksa të vështirë, ndërsa tregoi se ishte një dëshirë që nuk lindi rastësisht:

“Artin e kam pasur qejf që e vogël sepse familja ime merrej me art, vëllai ka mbaruar për skulpturë, shikoja që ai vizatonte shpesh dhe më hyri në qejf madje kur prekte balten thoja cfarë është kjo kaq e bukur dhe i hyra kësaj rruge me mbështetjen e familjes” u shpreh ajo.

LEXO EDHE:
Akuzat e Bardhit për Olsi Ramën, Kryeministri Rama: Kallëzim s’paska bërë thotë SPAK-u, iu është shitur si sapun për djathë italianëve

Por a ka hasur paragjykime për përzgjedhjen e këtij profesioni?

“Nuk kam hasur paragjykime por ndjej në shoqëri që është një lloj distancimi që si ka mundësi ti vajzë të përzgjedhësh këtë, por edhe në historinë e artit botëror gratë nuk janë pranuar, janë shumë të pakta. Në shoqërinë timë të 9-vjeçares më thonë si ka mundësi ti që prek baltë, nuk bëhesh pis” tha ajo.

Ajo mendon se mjafton të kesh ëndrra dhe dëshirën për t’i realizuar ato dhe do arrish të kalosh cdo pengesë:

“Vajza bëni atë që ndjeni, nësë ti dëshiron të bësh dicka për shoqërinë apo mentalitetin e kohës bëje, sepse ti e ndjen atë gjë sepse vajzat kanë luftuar gjithmonë. Nuk dua t’i ndaj profesionet me gjininë” përfundoi ajo.

MC/Shqiptarja.com