Shakhtari i paraluftës po kthehet! Brazilianët 'në modë', klubi ukrainas bën afrimin më të shtrenjtë! 10 vite larg shtëpisë

Pas shpërthimit të luftës në Ukrainë nga agresioni rus, gjigantit Shakhtar Donetsk iu desh të shiste të gjithë futbollistët më të mirë dhe për një periudhë të pacaktuar duhej të braktiste edhe politikën e transferimeve, në të cilën futbollistët nga Brazili kanë luajtur gjithmonë një rol shumë të rëndësishëm.

Në sezonin 2022-23 , Shakhtar kishte pak a shumë një skuadër vendase, në të cilën vendet e futbollistëve të huaj i zinin kryesisht lojtarë të ish-republikave sovjetike, me përjashtim të 18-vjeçarit venezuelian Kevin Kelsy, i cili gjatë konflikteve të rënda në Ukrainë ishte i vetmi që mori guximin dhe u transferua te Shakhtar.

Skuadra e disa viteve më parë ende nuk mund të krahasohet me atë aktuale, sepse Shakhtari aktual është në mërgim që nga viti 2014 dhe luan shumicën e ndeshjeve të tij në Kharkiv, por strategjia e njohur e personelit që dikur i solli Shakhtarit sukses të madh në Champions League dalëngadalë po ringjallet me sukses.

Këtë sezon, Shakhtari bleu brazilianët shumë të talentuar, dy 18-vjeçarët Neuerton dhe Eguinaldo dhe në ditët në vijim do të përmbyll transferimin më të madh që nga shpërthimi i luftës, përkatësisht anësorin 21-vjeçar të gjigantit brazilian, Palmeiras.

Kevin Santos Lopes de Macedo do i kushtojë Shakhtarit 15 milionë euro dhe ai konsiderohet një lojtar shumë i talentuar i cili shënoi 16 gola në 53 ndeshje për Palmeiras këtë sezon.

S.DH/Shqiptarja.com

TAG:
• ukraine
• Kevin Santos Lopes de Macedo
• shakhtar donetsk