Departamenti amerikan i Drejtësisë, akuzoi themeluesin e WikiLeaks, Julian Assange për pranin dhe publikim të informacioneve të klasifikuara. Akuzat e përmbledhura në 18 pika u bënë publike të enjten. Akuzat e reja shkojnë shumë përtej një aktakuze fillestare kundër z. Julian Assange, që u publikua muajin e kaluar e cila e ngarkonte atë për komplot me ish-analisten e shërbimit të zbulimit të ushtrisë amerikane, Chelsea Manning, për të thyer fjalëkalimin e një kompjuteri të Departamentit të Mbrojtjes.
Në akuzat e reja, Julian Assange ngarkohet për komplot me Chelsea Manningun për të mbledhur dhe publikuar dokumente të klasifikuara të mbrojtjes kombëtare, duke përfshirë kabllogramet e Departamentit të Shtetit dhe raportet mbi luftërat në Irak dhe Afganistan. Aty thuhet mes tjerash se veprimet e tij "rrezikonin të dëmtonin seriozisht" Shtetet e Bashkuara.
Julian Assange, 47 vjeçar, është në paraburgim në Londër që nga muaji prill, pasi u arrestua pas dëbimit nga ambasada e Ekuadorit, ku ishte strehuar që nga viti 2012, për të shmangur ekstradimin e tij në Suedi për t'u përballur me akuzat për sulme seksuale. Suedia më vonë e kishte anuluar hetimin, por ai mbeti në ambasadë për shkak të frikës se Britania mund ta ekstradonte atë në Shtetet e Bashkuara në lidhje me publikimin e dokumenteve të klasifikuara të qeverisë amerikane nga WikiLeaks.
Më 13 maj në Stokholm, një zyrtare suedeze e drejtësisë, tha se "ka ende shkaqe të mundshme për të dyshuar se Julian Assange ka kryer përdhunim", duke shtuar se është e nevojshme që ai të merret përsëri në pyetje. Zyrtarja tha se rrethanat tani lejojnë ekstradimin e Julian Assange-it nga Britania. Megjithatë, tha ajo, i mbetet Britanisë të vendosë nëse do ta ekstradojë atë në Suedi, apo në Shtetet e Bashkuara./ VOA
Lajme të tjera
-
Lirohet Julian Assange pas marrëveshjes me SHBA-në për pranimin e fajësisë! Themeluesi i WikiLeaks largohet nga Britania e Madhe me avion privat
25 Qershor, 07:33 -
Britania vendos sot nëse themeluesi i WikiLeaks, Assange do të ekstradohet në SHBA
20 Maj, 09:20 -
Julian Assange nuk do të ekstradohet në Shtetet e Bashkuara, të paktën për momentin
26 Mars, 13:18 -
Do të ekstradohet themeluesi i Wikileaks - Julian Assange?
21 Shkurt, 08:13 -
CIA paditet për përgjimin e dyshuar të avokatëve dhe gazetarëve që takuan Julian Assange
16 Gusht 2022, 22:15 -
Gjykata e Londrës vendos ekstradimin drejt SHBA të Julian Assange! Tashmë fati i themeluesit të WikiLeaks është apeli
20 Prill 2022, 13:20 -
Assange fiton fazën e parë në përpjekjen për të apeluar ekstradimin në SHBA
24 Janar 2022, 20:04 -
Publikoi mijëra dokumente sekrete, krijuesi i 'Wikileaks' Julian Assange do ekstradohet në SHBA, kërkohet për spiunazh
10 Dhjetor 2021, 12:54 -
Autoritetet britanike refuzojnë lirinë me kusht të Julian Assange
6 Janar 2021, 16:45 -
Fitore e pjesshme për Julian Assange
5 Janar 2021, 15:55 -
Refuzohet kërkesa për ekstradim të Julian Assange
4 Janar 2021, 12:59 -
Spiunët rusë pas lajmeve të rreme të shpërndara në SHBA për koronavirusin
29 Korrik 2020, 13:44
