SHBA - Një grua nga Nebraska e SHBA ka arritur të hajë hajë një biftek prej 2 kilogramësh, për 2 minuta e 44 sekonda, duke vendosur kështu një rekord botëror.

Molly Schuyler, 34 vjeç e hodhi videon e regjistruar më 3 janar të këtij viti, në Youtube. Në video mund të shihet gruaja e cila për efekt shpejtësie përdor duart për të ngrënë, në vend të pirunit dhe thikës.

Schuyler e cila ka dhe 4 fëmijë theu rekordin e mëparshëm prej 6 minutash e 48 sekondash, duke e përlarë pjatën e saj në më pak se 3 minuta.

Një ditë më parë, më 2 janar, 34 vjeçarja theu një tjetër rekord dukë ngrënë një sanduiç prej 5.5 kg, gjysëm kg patate të skuqura dhe një pije të madhe, si pjësë e një garimi në Portland. Ajo e përfundoi sfidën për 54 minuta dhe ishte femra e vetme që ia doli mbanë.

Molly fitoi vendin e parë dhe morri një shpërblim prej 650 dollarësh.

E pyetur nga mediat për këtë aftësi të sajën, gruaja tha se ishte një fenomen të cilin nuk e shpjegonte dot, pasi dhe pesha e saj trupore është shumë e vogël.

Redaksia Online
(a.ç/shqiptarja.com)