Ambasada Amerikane nëpërmjet një njoftimi për shtyp thekson se aplikimet për lotarinë amerikane 2015 kanë përfunduar. Ambasada amerikanë kërkon të përcjell një njoftim të rëndësishëm për të gjithë të përzgjedhurit e Programit të Vizave të Lotarisë DV-2014 si dhe për periudhën e Regjistrimit Elektronik për Lotarinë DV-2015.

Ambasada njofton se periudha e regjistrimit për aplikimet e programit DV-2015, ishte nga data 1 tetor 2013, deri në datën 2 nëntor 2013 dhe se faza e pranimit të aplikimeve ka mbaruar për DV-2015.

Pasi bën sqarimet rreth formularit ambasada bën thirrje për kujdes nga mashtruesit dhe tregon shembujt konkretë të mesazheve që i dërgohen përmes postës elektronike ku pasi i njoftohet se janë aplikues u kërkohet një shumë të hollash për të vazhduar aplikimin.