/ATSH-AFP/ - Presidenti amerikan, Barack Obama përshëndeti sot kryeministrin britanik, David Cameron për fitoren mbreslënëse pas suksesit brilant dhe të papritur të partisë konservatore gjatë zgjedhjeve legjislative.
"Kam pasur marrëdhënie të ngushta pune me kryeministrin, Cameron gjatë këtyre viteve të fundit dhe uroj të vazhdojmë të riforcojmë lidhjet mes vendeve tona", theksoi Obama në një komunikatë.
Obama nënvizoi përveç të tjerave marrëdhënien speciale dhe të veçantë që bashkon SHBA-në dhe Britaninë e Madhe dhe që është thellësisht e përqendruar në një tërësi vlerash dhe interesash të përbashkëta./