SHBA, Reeker i ashpër me
KQZ: Të plotësohet numri

WASHINGTON - Vetëm 45 ditë para zgjedhjeve parlamentare në Shqipëri, Komiteti i Helsinkit në Washington mbajti një seancë dëgjimore të posaçme për zhvillimet e 23 Qershorit. Sekretari për Çështjet Europiane dhe Euroaziatike, Philip Reeker, ngriti shqetësimin për pavarësinë e Komisionit Qendror të Zgjedhjeve, duke i bërë apel forcave politike në vend të plotësojnë numrin e anëtarëve në këtë institucion.

Reeker theksoi se KQZ duhet të jetë e lirë dhe e pandikuar nga çdo ndërhyrje, përfshirë edhe Parlamenti.

“KQZ ka përgjegjësinë kryesore për realizimin e zgjedhjeve të lira. Për vetë përbërjen e KQZ, edhe anëtarët që u zgjodhën me marrëveshje partiake duhet të jenë më të bashkëpunueshëm. Vetëm kështu mund të zhvillohen zgjedhje të lira dhe të ndershme. Partitë politike duhet të ulen bashkë të gjejnë kompromisin dhe të ofrojnë zgjidhje për një KQZ-në. ky institucion nuk ka ende aq anëtarë sa duhet që të administrojë zgjedhjet”, theksoi Reeke.

Pavarësisht këtyre zhvillimeve, sekretari për Çështjet Europiane dhe Euroaziatike tha se Shtetet e Bashkuara do të vazhdojnë mbështetjen e Shqipërisë drejt konsolidimit të ekonomisë dhe forcimit të ligjit.

Ndërkaq Drejtori i Divizionit të Euroazisë në Zërin e Amerikës, Elez Biberaj në raportin e tij vë theksin në rëndësinë e zgjedhjeve në Shqipëri, si një faktor ndikues në raportet me Shtetet e Bashkuara dhe BE.

Sipas Biberaj “zgjedhjet e ardhshme ofrojnë më shumë mundësi dhe ndryshime për Shqipërinë. Nëse këto zgjedhje nuk realizohen sipas standardeve të duhura rrezikohet një polarizim i metëjshëm politik në vend dhe një konktest politik i karakterizuar nga raportet jofunksionale mes dy forcave kryesore politike. Zhvillime të tilla negative rrezikojnë stabilitetin politik në vend dhe komplikojnë marrëdhëniet e Tiranës me Shtetet e Bashkuara dhe Bashkimin Europian”.

Nga ana tjetër, Biberaj vuri theksin edhe në prioritetet dhe mundësitë që hapen për vendin nëse realizohen zgjedhje të besueshme, rezultati i të cilave do të certefikohet nga vëzhguesit e brendshëm dhe ndërkombëtarë, si dhe do të pranohet nga shumica e aktorëve.

“Përkundrazi zgjedhjet e besueshme, rezultati i të cilave do të certefikohet nga vëzhguesit e brendshëm dhe ata ndërkombëtarë, si dhe do të pranohet nga shumica e aktorëve, do të hapin mundësi të reja për vendin. Vetëm kështu shqipëria do të jetë e aftë të ndërtojë progres politik dhe ekonomik në vitet që vijnë, duke focuar rolin e saj si një aktor konstrukiv në rajon dhe të mundësojnë realizimin e perspektivave të saj në BE.”, thekson Biberaj.

Në vizionin e tij për perspektivën politike në Shqipëri dhe ndryshimet demokratike, Biberaj vë theksin në mënyrën se si Shqiptarët do t’i perceptojnë këto zgjedhje, që janë shumë të rëndësishme për integrimin e mëtejshëm të vendit.

(es/sg/ Shqiptarja.com)

TAG:
• kqz