POP 5

Lajmet më të lexuara të 5 minutave të fundit

Sociale

SHBA: Shqipëria hapa pozitive
për eliminimin e punës së fëmijëve

Shqipëria renditet e 13-a ndër 143 vendet të cilat janë vlerësuar për `përparime të rëndësishme` në përpjekje të eleminimit të formave të këqija të punës së fëmijëve.  Në raportin Ndërkombëtar të SHBA për Format më të Këqija të Punës së Fëmijëve, Shqipëria vlerësohet pozitivisht për përpjekjet në eliminimin e formave më të këqija të punës së fëmijëve. VIDEO
PDF - Raporti i plotë i Departamentit të Punës së SHBA
Shqipëria renditet e 13-a ndër 143 vendet të cilat janë vlerësuar për `përparime të rëndësishme` në përpjekje të eleminimit të formave të këqija të punës së fëmijëve.  Sipas Departamentit të Punës së Shteteve të Bashkuara i cili publikoi sot Raportin Ndërkombëtar për Format më të Këqija të Punës së Fëmijëve, vlerëson hapat që qeveritë e 143 shteteve kanë ndërmarrë për eliminimin e formave më të këqija të punës së fëmijëve. 

Shqipëria vlerësohet pozitivisht për përpjekjet në eliminimin e formave më të këqija të punës së fëmijëve dhe identifikimin e viktimave të trafikimit te shfrytëzuar për punë duke u klasifikuar ndryshe nga viti 2012, ku Shqipëria renditet ndër vendet që bënin përpjekje “të pakta” për eliminimin e punës së fëmijëve, sot ne renditemi ndër 13 vendet, nga 143 që janë vlerësuar për “përparime të rëndësishme” në përpjekjet për eliminimin e formave më të këqija të punës së fëmijëve, si dhe për adresimin e trafikimit të fëmijëve, si një prej këtyre formave. 

Raporti klasifikon shtetet sipas vlerësimeve: të rëndësishme, të moderuara, minimale dhe pa asnjë përparim për përpjekjet që ato kanë bërë.  Një rol të rëndësishëm në identifikimin e viktimave të trafikimit të shfrytëzuara për punë ka luajtur edhe trajnimi i 37 prokurorëve, gjyqtarëve dhe punonjësve të policisë në lidhje me këto çështje. 

Policia e Shtetit, gjatë periudhës së raportimit ka referuar pranë Prokurorisë për Krime të Rënda 11 raste të trafikimit të fëmijëve. 

Raporti vlerëson punën e bërë nga Koordinatori Kombëtar Antitrafik, për rivitalizimin e mekanizmave koordinues për adresimin dhe referimin e rasteve të trafikimit të fëmijëve. Në vitin 2013, Koordinatori Kombëtar Antitrafik siguroi trajnimin e anëtarëve të 12 Komiteteve Rajonale, nëpunësve të institucioneve kryesore shtetërore, si dhe të 245 mësuesve e 50 inspektorëve të punës mbi identifikimin, referimin dhe asistimin e viktimave të trafikimit. 

Takimet e rregullta të Mekanizmit Kombëtar të Referimit për trajtimin e disa rasteve të identifikuara të viktimave të trafikimit, si dhe intensifikimi i bashkëpunimit midis institucioneve shtetërore dhe shoqërisë civile, vlerësohen po ashtu si hapa pozitivë në përmirësimin e punës për identifikimin e viktimave të trafikimit që shfrytëzohen për punë në Shqipëri. 

Për Ministrinë e Punëve të Brendshme kjo është një arritje e rëndësishme, por vetëm një pikënisje për të shtuar përpjekjen në luftën kundër këtij fenomeni.

PDF - Raporti i plotë i Departamentit të Punës së SHBA

Redaksia Online
(e.c/shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

‘Studio Live’/ Bejtja: Sazani jo më ‘pika e zjarrit’, i vetmi ‘agresion’ na vjen nga turizmi! Kushner s’është investitori më i madh! Çoçoli: Investimi 1,4 mld USD, 1 mijë vende pune

‘Studio Live’/ Bejtja: Sazani jo më ‘pika e zjarrit’, i vetmi ‘agresion’ na vjen nga turizmi! Kushner s’është investitori më i madh! Çoçoli: Investimi 1,4 mld USD, 1 mijë vende pune

16 Janar, 20:04