POP 5

Lajmet më të lexuara të 5 minutave të fundit

Bota

SHBA/ Sulm me armë në autostradë, 7 të plagosur, autoritetet ende në kërkim të autorit

Shtatë persona u plagosën në Kentucky të SHBA pasi një person hapi zjarr nga distanca drejt automjeteve që udhëtonin në autostradë.

SHBA/ Sulm me armë në autostradë, 7 të plagosur, autoritetet ende në kërkim të autorit

Shtatë persona u plagosën në Kentucky të SHBA, pasi një person hapi zjarr nga distanca drejt automjeteve që udhëtonin në autostradë.

Dy prej të plagosurve raportohet se janë dëmtuar për shkak të aksidentit me makinë nga kaosi që u krijua prej të shtënave.

Mbrëmjen e së shtunës (8 shtator) u raportua për disa të shtëna me armë në qytetin “Londër”, një provincë me 8 mijë banorë në Kentucky. Të shtënat vinin nga një pyll aty pranë dhe në shënjestër ishin shoferët e makinave që udhëtonin në rrugën kryesore.

Sipas Reuters, kryebashkiaku Randall Weddle i Londrës, tha në një postim në Facebook se 7 persona u plagosën, duke përfshirë disa që u qëlluan. Ai tha se deri më tani nuk është raportuar për vktima. 

Menjëherë pas kësaj autoritetet janë vënë në ndjekje të një personi në afërsi të 30-ave, identiteti i të cilit ende nuk është zbuluar. Policia ka bllokuar qarkullimin në të dy drejtimet në autostradë pasi nuk e dinte se nga vinin plumbat.

“Ne jemi duke punuar për ta neutralizuar agresorin,” tha sherifi i zonës.

Autoritetet besojnë se ka pasur vetëm një sulmues dhe se ata nuk besojnë se të shtënat janë shkaktuar nga ndonjë sherr i momentit në rrugë, porse ka qenë e planifikuar.

Duke e konsideruar një akt dhune të pakuptimtë, autoritetet u kanë bërë thirrje banorëve të zonës që të qëndrojnë në shtëpi deri sa policia të arrestojë personin që ka qëlluar me armë dhe që përbën rrezik për jetën e njerëzve.

S.B/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

U konfliktua me doganierin, nis hetimi për shefin e stacionit të Policisë Kufitare Kapshticë

U konfliktua me doganierin, nis hetimi për shefin e stacionit të Policisë Kufitare Kapshticë

14 Janar, 23:55