SHBA: Të hiqen strukturat paralele 
dhe barrikadat në veri të Kosovës

Shtetet e Bashkuara të Amerikës bëjnë apel për heqjen e menjëhershme të barrikadave në veri të Kosovës, ndërsa i kërkojnë Beogradit të ndalojë mbështetjen materiale për institucionet paralele në Kosovë.
Zëdhënësi i Departamentit të Shtetit, Mark Toner, dënoi dhunën kundër KFOR-it dhe EULEX-it në të cilën dy anëtarë të KFOR-it u plagosën. Zëdhënësi i Departamentit të Shtetit tha se SHBA mbështesin plotësisht KFOR-in dhe EULEX për të siguruar një mjedis të sigurt dhe të lehtësojë lëvizjen e lirë të njerëzve dhe mallrave në Kosovë, dhe në të dy drejtimet e kufirit Kosovë-Serbi.

"Liria e lëvizjes së njerëzve dhe mallrave në interes të Kosovës dhe Serbisë, në përputhje me aspiratat evropiane të dy vendeve. Bllokadat e rrugëve, barrikada dhe dhuna i shërbejnë përkeqësimit të jetës së përditshme të njerëzve në Kosovë dhe pengojnë lëvizjen e lirë", tha Toner.  Ai theksoi se Shtetet e Bashkuara të vazhdojnë të monitorojë me shumë kujdes zhvillimin e situatës në veri të Kosovës dhe u bëri thirrje të gjitha palëve të ruajnë qetësinë dhe të përmbahen nga retorika dhe veprimet nxitëse dhe të mundësojnë lirinë e lëvizjes.

Në aksionin e djeshëm të KFOR janë hequr të gjitha barrikadat në Rudare në aksin rrugor Leposavic-Zveçan - Mitrovica, duke përfshirë edhe atë më të madhen që serbët vendosën verën e kaluar në vendin e quajtur Dudin Kërsh. 
(jd/shqiptarja.com)