Richard Grenell emërohet drejtor i përkohshëm i Inteligjencës, i cili do të koordinojë 17 agjencitë e inteligjencës amerikane edhe pse ai ka qenë në qendër të polemikave për një intervistë me një sit të ekstremit të djathtë. Njoftimi për emërimin e Grenell u bë nga Donald Trump përmes një postimi në Twitter.
"Jam i kënaqur të njoftoj se ambasadori ynë shumë i respektuar në Gjermani Richard Grenell do të bëhet drejtori i përkohshëm i Inteligjencës Kombëtare ", ka shkruar presidenti amerikan duke shtuar se, "Rick e ka përfaqësuar vendin tonë jashtëzakonisht mirë dhe unë mezi pres që të punoj me të".
Në qershor të vitit 2018, Granell ishte vënë në qenë në qendër të polemikave pas një interviste në një sit të ekstremit të djathtë "Breitbart" ku ai u shpreh i ekzaltuar prej "valës së politikës konservatore" që u shfaq në kontinentin e vjetër dhe për "dështimin e politikës së majtë" dhe premtoi të "mbështesë" populizmin e shfrenuar. Richard Grenell kohët e fundit ka qenë edhe i dërguari i Trump për dialogun Kosovë-Serbi.
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)