SHBA rikthen bllokadën detare në Hormuz, Trump: Kushdo që kalon, do paguajë një tarifë 20%! Teherani godet bazat amerikane në Jordani, Bahrein dhe Kuvajt

Komanda qendrore amerikane njoftoi se ka kryer sulme ndaj dhjetëra objektivave ushtarake të Iranit.  Sulmet që nisën që prej mesnatës dhe zgjatën të paktë 3 orë, prekën sistemet iraniane të mbrojtjes ajrore, vendet e radarëve bregdetarë, kapacitetet raketore dhe të dronëve, si edhe mjete të vogla lundruese, duke përdorur avionë luftarakë amerikanë, anije ushtarake, dronë ajrorë vetëshkatërrues sulmues dhe, për herë të parë, dronë detarë vetëshkatërrues sulmues.

Bahreini, Omani, Kuvajti dhe Jordania ishin vendndodhja e raketave të lëshuara nga Irani në kundërpërgjigje, ku sipas pretendimeve të Gardës Revolucionare goditi objekte ushtarake amerikane në rajon. Së bashku me Emiratet e Bashkuara Arabe dhe Katarin, që gjithashtu raportuan se vunë sistemet e mbrojtjes në lëvizje bëhen 6 vendet e sulmuara të rajonit të sulmuara nga Irani.

Ministria e jashtme në Teheran paralajmëroi këtë të hënë se është e gatshme të tërhiqet nga memorandum i mirëkuptimit të firmosur me ndërmjetësimin e Pakistanit. Zëdhënësi Esmaeil Baqaei tha se kjo do të ndodhë nëse SHBA nuk u përmbahen zotimeve dhe përcaktimeve të marrëveshjes kornizë të firmosur.

Por, amerikan Donald Trump thotë se SHBA do të rikthejnë bllokadën detare për portet iraniane. Pas pretendimeve të Iranit se Ngushtica kontrollohet prej tyre, Donald Trump thotë se do të kushtëzojnë njësoj si gjatë luftës fluksin në portet iraniane, një vendim I tij siç thotë që hyn në fuqi menjëherë.

“Ngushtica e Hormuzit është e hapur dhe do të mbetet e hapur, me ose pa Iranin. Ne po rivendosim Bllokadën Iraniane, e quajtur kështu sepse ndalon vetëm anijet iraniane ose klientët e tyre të hyjnë ose të dalin. Të gjitha vendet e tjera do të kenë përdorim të lirë dhe të hapur të ngushticës” thotë Trump. 

Në një status në rrjetin e tij social Truth presidenti amerikan njofton gjithashtu se ushtria amerikane do të ruajë sigurinë e lundrimit në Hormuz, për të cilën do të vjelë një pagesë.

“Që nga ky moment, Shtetet e Bashkuara të Amerikës do të njihen si "MBROJTËSI I NGUSHTICËS SË HORMUZIT", por, në këtë rol dhe në emër të drejtësisë, do të rimbursohen me një tarifë prej 20% mbi të gjithë ngarkesën e transportuar, për të mbuluar çdo kosto të nevojshme për garantimin e sigurisë në këtë zonë shumë të paqëndrueshme të botës.” thotë Trump.

Sipas memorandumit të firmosur nga Irani dhe SHBA në 18 Qershor, bllokada detare ndaj Iranit do të largohej brenda 30 ditësh ndërsa lundrimi në Ngushticën e Hormuzit duhet të lejohej nga Irani I lirë dhe pa pagesë për të paktën 60 ditë. 

Tensionet e kësaj fundjave rikthyen dhe luhatjet domethënëse ne tregje dhe bursa të çmimit të naftës. Sipas Reuters, edhe pse dukshëm nën nivelet më të larta të arritura më herët gjatë luftës çmimi i një fuçie nafte të papërpunuar brent këtë të hënë u rrit me 4.3%, duke arritur në 79.31 dollarë për fuçi.

Lajm në përditësim…

Rendit zhvillimet sipas orarit:

Të Fundit Të Parat