Pas akt-konstatimit të Institutit të Ndërtimit, i cili i shpalli të pabanueshme tre godinat në “Qytetin Studenti” si pasojë e tërmetit të 26 nëntorit, vijoi puna me shembjen e tyre. Familjet që i kishin zaptuar gjatë viteve të tranzicionit, janë sistemuar në banesa me bonus qiraje, si të gjitha familjet e tjera të prekura nga tërmeti.
Teksa ndoqi nga afër shembjen e godinave, kreu i Bashkisë së Tiranës, Erion Veliaj, e cilësoi të drejtë vendimin për t’i larguar banorët nga dhomat e ish-godinave të “Qytetit Studenti”, të cilat përbënin rrezik për jetën e tyre dhe sisteminin në banesa me bonus qiraje me kushte dinjitoze.
“Kanë qenë godina të zëna prej vitesh, që nga viti ‘90-‘91, kur filluan ndryshimet në “Qytetin Studenti”, pra një gangrenë që vazhdonte një kohë të gjatë. Godina ka pasur shumë ndërhyrje, improvizime. Ndaj, besoj ishte vendimi drejtë për t’i çmontuar vetë dhe besoj se ishte vendim akoma më i drejtë për t’í transferuar me qira të gjitha familjet, duke respektuar dinjitetin njerëzor, si të çdo anëtari tjetër të bashkësisë së Tiranës, që u trajtua me bonus qiraje për largimin nga ndërtesat e dëmtuara”, tha Veliaj.
Duke i falënderuar për bashkëpunimin, Veliaj nënvizoi se të gjitha ato familje që lanë godinat, të cilat i kishin uzurpuar gjatë viteve të tranzicionit kanë kushte shumë herë më të mira në banesat e tyre të reja. “Dua t’i falenderoj banorët për bashkëpunimin. Unë e kuptoj, asnjëherë nuk është e lehtë të largohesh nga një banesë ose vend-strehim, ku ke kaluar një pjesë të madhe të jetës tënde, megjithatë siç verifikuam, rasti i profesor Pëllumbit dhe shumë të tjerë, janë në kushte disa herë më të mira. Shtëpitë me qira në Tiranën urbane janë shumë herë më të mira se konvikte të amortizuara, ku në një dhomë të vogël jetonin 1-2 kurora, disa raste edhe tre kurora. Ndaj, për të gjitha këto arsye, 90% e familjarëve në “Qytetin Studenti” tashmë kanë marrë disbursimin e qirasë, ka ngelur edhe një 10% që ose e ka neglizhuar ose ka gjetur në alternativë tjetër strehimi. Jemi të përgatitur për këdo tjetër që ka nevojë të marrë paratë e qirasë dhe të jetojë në një vend shumë herë më dinjitoz se sa hapësira që kishte në “Qytetin Studenti”, tha ai.
Ndërkohë, edhe dhjetë godinat në Institutin Bujqësor do të demolohen, pasi paraqesin rrezik për ata që strehohen atje. Më konkretisht, bëhet fjalë për 8 godina që janë zënë nga familjarë gjatë viteve të tranzicionit, duke pësuar edhe ndërhyrje që e kanë dëmtuar në strukturë, si dhe dy godina të tjera ku strehohen studentë. “Këto vendime të rëndësishme po i marrim edhe në Universitetin Bujqësor. Do të fillojmë edhe aty prishjet masive, për të mos rrezikuar, kurse për godinat që nuk janë me familjarë, por për godina që në fakt banohen nga studentë, kemi marrë një vendim që t’i sistemojmë në godina të tjera ku kemi bërë verifikimin e sigurisë dhe nuk kemi asnjë problem. Në rastin e Mjekësisë, teksa bëjmë një studim më të thelluar, i kemi transferuar tek godinat tek Inxhinieria, ndërkohë që për Universitetin Bujqësor jemi përgatitur për të bërë një rimbursim të pagesës së studentëve, që secili prej tyre të ketë hapësirën e vet, të marrë një hapësirë ose me qira, ose të bëhen 3-4 vetë bashkë për të ndarë një shtëpi, të kenë pak para edhe për transportin, nëse do largohen dhe nuk gjejnë hapësira në Kodër - Kamzë”, deklaroi Veliaj.
Kreu i Bashkisë nënvizoi se si në “Qytetin Studenti” ashtu edhe në Institutin Bujqësor do të ndërtohen dy kampuse të rinj universitar, duke sjellë një urbanistikë që i bën ballë 100 viteve të tjera të Tiranës. “Nga projekti i rindërtimit që do të kemi bashkë me qeverinë, siç kemi bërë me projektin e shkollave, ku kemi filluar shkolla të reja me një skemë shumë kreative, që i bëjmë pagesat ndër vite, besoj që edhe në “Qytetin Studenti” do kemi mundësi t’i bëjmë pagesat ndër vite, teksa fillon një kampus i ri këtu dhe në Universitetin Bujqësor të Tiranës, që besoj nga kjo fatkeqësi del edhe një avantazh i jashtëzakonshëm, për të sjellë një urbanistikë që i bën ballë 100 viteve të tjera të Tiranës”, u shpreh Veliaj.
Konviktet nr.3 dhe 4 të fakultetit të mjekësisë janë mbyllur si pasojë e dëmeve të marra nga tërmeti i 26 nëntorit. Pas inspektimit të sigurisë së godinave, në aktin e konstatimit të dorëzuar më datë 5 nga inxhinierë të Institutit të Ndërtimit, është marrë dhe ky vendim. Këto dy godina do ti nënshtrohen një ekspertize teknike më të detajuar.
Ndërkohë për të gjithë studentët që qëndronin në këto dy godina, është bërë i mundur transferimi i tyre në konviktete e Inxhinierisë së Ndërtimit, më saktësisht në seksionin C të këtyre godinave. Studentët janë ende në fazë transferimi, ndërkohë që ka dhe nga ata të cilët nuk dëshirojnë të qëndrojnë në këto konvikte, dhe për këtë arsye marrin rimbursimin e pagesës që kanë bërë. Pritet që nesër, me datë 13 dhjetor, të rinisë dhe procesi mësimor për Universitetin e Mjekësisë.
Por kjo situatë është krijuar dhe në Institutin Bujqësor, ku është marrë vendimi që të shemben 10 godina, kjo si pasojë e dëmeve të marra prej tërmetit. Më konkretisht, bëhet fjalë për 8 godina që janë zënë nga familjarë gjatë viteve të tranzicionit, duke pësuar edhe ndërhyrje që e kanë dëmtuar në strukturë, si dhe dy godina të tjera ku strehohen studentë.
Për studentët e Universitetit Bujqësor do të bëhet një rimbursim i pagesës së studentëve, që secili prej tyre të ketë hapësirën e vet, të marrë një hapësirë me qira, ose të bëhen 3-4 vetë bashkë për të ndarë një shtëpi.
Nga ana tjetër ende vijon prishja e tre godina që banoheshin nga familjarë në Qyteti Studenti. Këta të fundit, përfituan nga Fondi i Qirasë që ofron Bashkia e Tiranës, për një vit.
Kreu i Bashkisë së Tiranës, Erion Veliaj tha se si në “Qytetin Studenti” ashtu edhe në Institutin Bujqësor do të ndërtohen dy kampuse të rinj universitar, duke sjellë një urbanistikë që i bën ballë 100 viteve të tjera të Tiranës.
Prej tërmetit të 26 nëntorit, u pezullua mësimi në fakultete deri me datë 10 dhjetor. Por ka qenë Universiteti i Mjekësisë dhe Politekniku që kane vendosur që për këta studentë mësimi të rifillojë me datë 13 dhjetor.
Komente
Lajme të tjera
-
Hapet tregu i gjelave të detit në Baldushk, apeli i kryebashkiakut Veliaj: Konsumoni produktet lokale për të ndihmuar familjet e zonës
22 Dhjetor, 12:12 -
Veliaj inspekton punimet në shkollën ‘Ibrahim Hima’ në Vaqarr: Llafet e sherret i merr era, shkollat mbeten
21 Dhjetor, 13:41 -
Konferenca e Solidaritetit Islamik, Veliaj pret Sekretarin e ISSA-s dhe presidentin e KOKSH: Më shumë partneritet për sportin
20 Dhjetor, 14:45 -
Veliaj inspektim në shkollat ‘Mustafa Greblleshi’ dhe ‘Sandër Prosi’: Me mure rrethuese dhe terrene të reja sportive për fëmijët
19 Dhjetor, 14:06 -
Tiranë/ 7 objekte mësimore janë në proces ndërtimi ose rikonstruksioni
18 Dhjetor, 18:28 -
Tiranë/ Këshilli Bashkiak miraton buxhetin! Bursa për ekselentët, paketë ushqimore në shkolla! Veliaj: Nga 1 janari pensionistët abone falas! 7 objekte mësimore në rikonstruktim
18 Dhjetor, 18:09 -
Nga Kopshti Botanik te transformimi i akuadromit, Veliaj prezanton disa nga projektet: Numri i shkollave do shkojë në 50
17 Dhjetor, 17:28 -
Tiranë/ Për herë të parë konferenca e solidaritetit islamik! Veliaj: Sporti mundësia më e mirë për të bashkuar njerëzit
17 Dhjetor, 17:17 -
Nga 1 janari 2025 pensionistët do udhëtojnë me abone falas në Tiranë, ja cilët janë përfituesit dhe dokumentet e nevojshme
16 Dhjetor, 22:05 -
Pesë qytetarë betohen për shtetësinë shqiptare, Veliaj: Krenar që i bashkohen energjisë së jashtëzakonshme të Tiranës
16 Dhjetor, 18:08 -
Esencë në REPORT TV, 42 kryetarët e Bashkisë së Tiranës, zgjedhjet, akuzat dhe historitë e tyre tragjikomike!
15 Dhjetor, 22:32
-
Botërori i Skive/ Veliaj pret Colturin: 2024 viti i rekordeve! Skiatorja: Emocion i veçantë
15 Dhjetor, 12:34
Bravo bashkia dhe qeveria,,vazhdoni prishjet ne pkazhin e durresit e golemit,,jane me qindra objektet qe duhen shembur...
Përgjigju5 vite tpaharruara ne kete Godine, 15A, ku dhe u formua "demokracia" shqiptare- 15B dhoma e pare majtas!ka marre me vete pafundesi kujtimesh studentore dhe shpirterore!
Përgjigju