‘Shembujt vijnë nga bota’, Ademi kërkesë ministrisë së Shëndetësisë: Finalja e Kupës të luhet me tifozë

‘Shembujt vijnë nga bota’, Ademi kërkesë ministrisë së Shëndetësisë: Finalja e Kupës të luhet me tifozë

Në cilësinë e krybashkiakes së Shkodrës Voltana Ademi, e cila ligjërisht është presidentja e Vllaznisë, i ka kërkuar Ministrisë së Shëndetëisë që finalja e kupës me Skënderbeun të luhet me tifozë. Sipas Ademit, duke parë që situata me pandeminë është në përmirësim e sipër dhe duke patur parasysh edhe shembujt nga bota, në ‘Air Albania’ ditën e hënë duhet të lejohen 30% e tifozëve në raport me kapacitetin e stadiumit.

“Ditën e hënë, datë 31 maj 2021, në stadiumin "Air Albania" ekipi ynë i zemrës Vllaznia, ndeshet përballë Skenderbeut të Korçës në finalen e Kupës së Shqipërisë në futboll.

Kjo ndeshje vjen pas një sezoni të jashtëzakonshëm ku pasi jemi shpallur nënkampion të Shqipërisë, rikthehemi pas më shumë se një dekade në finalen e Kupës së Shqipërisë ndaj një emri të madh të futbollit shqiptar siç është Skenderbeu.

Përballë një ecurie kaq pozitive, sigurisht, mungesa e tifozëve mbetet një nga keqardhjet më të mëdhaja!

Duke parë se tashmë situata e pandemisë globale COVID-19 është çdo ditë e më tepër duke u përmirësuar, duke parë që në të gjitha vendet europiane tashmë finalet e kupave po zhvillohen me pjesëmarrjen e 30% të tifozëve, Bashkia Shkodër i bën kërkesë autoriteteve publike e në mënyrë të veçantë Ministrisë së Shendetësisë dhe Mbrojtjes Sociale:

Ditën e finales, me datë 31 maj 2021, duke respektuar rigorozisht të gjitha protokollet dhe masat anti- Covid, të lejojë prezencën e pjesësemarrjen e tifozëve në 30% të kapacitetit të stadimumit ‘Air Albania’!”-shkruan Ademi.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet