POP 5

Lajmet më të lexuara të 5 minutave të fundit

Sociale

Shëngjin/ Erozioni ‘gllabëron’ bregdetin e Kune-Vainit! Eksperti: Situatë alarmante, rrezikohet infrastruktura

Bregdeti i plazhit të Kunes në Shëngjin, po rrezikohet çdo ditë nga erozioni detar. Në prag të sezonit turistik, deti ka marrë përpara një sipërfaqe të konsiderueshme të tokës dhe rërës, duke rrezikuar edhe infrastrukturën rrugore.

Erozioni detar ka marrë përmasa të frikshme në bregdetin e plazhit të Kune-Vainit, në Shëngjin. Pisha me rrënjët në sipërfaqe e të rrëzuara dhe zvogëlim i brezit të rërës që shërbente për plazh është panorama që të ofron kjo zonë në prag të sezonit turistik. Për ekspertin e mjedisit Jak Gjini, situata është alarmante pasi deti po dëmton dhe infrastrukturën rrugore.

“Agresiviteti i erozionit është shtuar dhe për pasojë dhe njerëzit, ato që kanë bërë investime në bregdet me bare dhe lokale po u afrohet gjithmonë e më shumë deti, duke avancuar në drejtim të territorit Dhe ky avancim po shkon gjithnjë e më shumë edhe në drejtim të territorit instruktuarës turistike siç janë rrugët, trotuaret”, tha Gjini.

Si zgjidhje për të frenuar fenomenin eroziv në Kune ai sheh ndërtimin e barrierave ndaj dallgëve përmes projekteve inxhinierike si dhe mbushjen e bregdetit me rërë.

“Në kushtet e këtij ekspanisioni të detit Për masat që do ta ndaloni erozionin të paktën për një periudhë ta caktuar, në dekadat që vijnë do të ishte vetëm ndërtimi i dallgëthyeseve të cilët bëhen përmes projekteve inxhinierike dhe mbushja e bregdetit me rërë që përdoren dhe në vendet e tjera europiane qoftë edhe ne vendet fqinj”, tha Gjini.

Alarmi i erozionit në bregdetin e Shëngjinit është dhënë prej vitesh, por edhe pse përbën rrezik për banorët e zonës, deri më sot kjo problematikë nuk ka marrë një zgjidhje. Ministria e Mjedisit thotë se po bëhet një studim për një plan ndërhyrjeje, pa dhënë detaje për ndërmarrjen e veprimeve konkrete.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 15/04/2023 03:43

    Erozioni bregdetar dhe ngritja e nivelit te ujit nga ngrohja e klimes jane fenomen boteror,specifike per Shqiperine eshte marrja e materialeve zhavor e ranor nga shtreterit e lumenjve.Aluvionet lumore mund te ngadalsonin erozionin,por cfare u mbetet lumenjve te sjellin ne det,pas gangrenes me emrin /firma ndertimi/?!

    Përgjigju
  • Era: 15/04/2023 02:26

    Me mire erozioni se mafia Ram-Frrok-Dosh--Luce-Ndreu

    Përgjigju
  • Beni: 14/04/2023 19:23

    Duhen kollona tranversale prej hekur betoni me distance 30 metra nga njera tjetra qe deti mos marre pjese nga toka. Me nje fjale duhen investime ne vijen bregdetare.

    Përgjigju
    • Tale: 15/04/2023 07:20

      Ata që e kanë zënë vijën bregdetare të investojnë. Mirë që e zaptuan por duan edhe lek nga taksapaguesit!

  • Turi: 14/04/2023 17:59

    Kane kaluar mbi 30 vjet dhe askush nuk interesohet per te ruajtur pyjet apo pasurite e tjera kombetare , vetem ndertimeve pa kriter dhe shkaterrimit te infrastruktures . Te gjithe ata qe kane mare pjese ne shkaterrimin e vendit duhet te denohen me burg te rende se jane kriminele dhe anti Shqiptar

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Sot Amerika vendos/ Nisin votimet! Garë e ngushtë presidenciale, por Harris është 4 pikë në avantazh! Qendrat e votimit me xhama antiplumb e dyer çeliku

Sot Amerika vendos/ Nisin votimet! Garë e ngushtë presidenciale, por Harris është 4 pikë në avantazh! Qendrat e votimit me xhama antiplumb e dyer çeliku

5 Nëntor, 07:21