Shëngjin/ Ndotja “zbraz” plazhin e Kunës, pronarët e bizneseve: Kemi falimentuar

Plazhi Kunës në Shëngjin është braktisur tërësisht nga pushuesit gjatë këtij sezoni turistik. Këto pamje i përkasin ditës së dielë dhe siç shihet, çadrat janë të boshatisura. Shkak për këtë situatë është bërë ndotja që iu krijua bregdetit në fillimin e muajit korrik e që vijon të jetë prezente edhe gjatë gjithë gushtit.

Kjo problematikë ka penalizuar me dhjetra biznese në këtë zonë. Pronarët e këtyre bizneseve thonë se kanë falimentuar, ndërsa fajësojnë autoritetet të cilët nuk kanë marrë asnjë masë për të parandaluar ndotjen.

Kur vijmë këtu e shohim këtë ndotje, është brengosje. Këto problemet e bregut, algat që dalin pambarimisht, brenda 24orëshit mund të pastrohen 3-4 herë, dhe prapë është pis, prapë ngelen algat. Njerëzit e shohin, marrin makinat dhe ikin. Këtë vit, deklarojmë falimentimin.

Pronarët e bizneseve në Plazhin e Kunës

Pas verifikimeve të bëra ka rezultuar se ndotja e bregdetit të Kunës në Shëngjin ka ardhur nga hapja e një kanali që lidh detin me lagunën, duke dëmtuar në këtë mënyrë një nga perlat e bregdetit të Adriatikut.

/b.ha./Shqiptarja.com
  • Sondazhi i ditës:

    Nisja e vitit të ri shkollor të hënën, a jeni dakord me mësimin me turne dhe orët e shkurtuara për nxënësit?

Komento


×

Lajmi i fundit

John

Mero Baze: Keqkatandisja e një njeriu mosmirënjohës ndaj shqiptarëve