Një ngjarje e rëndë është shënuar pasditen së shtunës në shëtitoren e plazhit të Shëngjinit, ku një 32-vjeçar ka humbur jetën pasi ra në kontakt me energjinë elektrike.

Sipas policisë, rreth orës 16:45, shtetasi Zef Lorenci, banues në fshatin Mërqi të Lezhës, ishte duke punuar për montimin e skenës për një koncert që do të mbahej këtë mbrëmje në zonë, kur dyshohet se ka rënë në kontakt me rrymën elektrike.

Si pasojë e goditjes elektrike, ai është rrëzuar nga skela dhe ka ndërruar jetë në vendngjarje. 32-vjeçari, i martuar dhe baba i dy fëmijëve, ishte djali i vetëm i familjes Lorenci dhe punonte për një kompani private që merrej me organizimin e eventeve.

Trupi i pajetë i viktimës është dërguar në morg për ekspertizën mjeko-ligjore, ndërsa policia dhe prokuroria kanë nisur hetimet për të zbardhur plotësisht rrethanat e ngjarjes.

Po verifikohet nëse janë respektuar rregullat e sigurisë në punë apo nëse bëhet fjalë për pakujdesi nga vetë viktima. Policia ka shoqëruar disa persona që ndodheshin në vendin e ngjarjes në momentin e aksidentit.

Ndërkohë ngjarja ndodhi në një zonë të populluar pranë bregdetit të Shëngjinit, ku protagonist ishin shumë pushues.

“Rreth orës 16:45, në shëtitoren e plazhit të Shëngjinit, pranë bustit “Ëillson”, dyshohet se, si pasojë e kontaktit me rrymën elektrike, ka rënë nga lartësia e një skele dhe ka humbur jetën shtetasi Z. L., 32 vjeç, banues në fshatin Mërqi, Lezhë. Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.”, njofton policia.

Xh.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 31 Mars, 11:25

    A besoni se Drejtori i ri Policisë, Hita do luftojë krimin dhe korrupsionin?

Lajme të tjera