POP 5

Lajmet më të lexuara të 5 minutave të fundit

Kronikë

U përballën më 3 gusht me flakët për të shpëtuar vreshtat në fshatin e tyre në Gjirokastër, 8 ditë pas bashkëshortit Andrea Haxhiaj vdes në spital 57-vjeçarja Tatjana Haxhiaj

Është shënuar viktima e dytë si pasojë e zjarreve në Shqipëri. Pas vdekjes së 64-vjeçarit Andrea Haxhiaj më 3 gusht nga flakët në Asim Zenel në Gjirokastër, ka ndërruar jetë edhe gruaja e tij 57-vjeçare që ishte e shtruar në QSUT.

TIRANË- Është shënuar viktima e dytë si pasojë e zjarreve në Shqipëri. Pas vdekjes së 64-vjeçarit, Andrea Haxhiaj nga flakët në Asim Zenel në Gjirokastër, ka ndërruar jetë edhe gruaja e tij 57-vjeçare që ishte e shtruar në QSUT.

Tatjana Haxhiaj ishte e shtruar prej 8 ditësh me djegie deri në 75% të trupit dhe si pasojë nuk mundi t'i mbijetonte plagëve.

Ndërkaq në një prononcim për Report Tv, miku i viktimës Andrea Haxhiaj ka bërë me dije se çifti ishte prindër i dy djemve. Njëri nga djemtë jetonte në Tiranë, ku shkollohet e punon, ndërsa djali tjetër jetonte me prindërit në Gjirokastër. Duke e konsideruar një fatkeqësi të madhe ai u shpreh se zjarrfikëset nuk kishin shkuar në kohën e duhur.

Andrea Haxhiaj ndërroi jetë më 3 gusht në fshatin Asim Zeneli në Gjirokastër si pasojë e flakëve që rrethuan banesën e tij. Haxhiaj ka tentuar të shuaj zjarrin në vreshtin që kishte në oborr, por si pasojë e flakëve ka ndërruar jetë.

Fshati Asim Zenel u përfshi nga flakët që kishin rënë në afërsi të tij. Era e fortë favorizoi flakët duke vënë në rrezik 3 fshatrat Krinë, Asim Zeneli dhe Arshi Lengo. Banorët e tre fshatrave u evakuuan, por në Asim Zenel situata ishte më kritike, me një bilanc prej dy viktimash.

Për të normalizuar flakët u vendosën në dispozicion 5 zjarrfikëse, forca të ushtrisë e punonjës të bashkisë, por dëmet shkaktuan një bilanc të rënduar në djegien e kullotave dhe drurëve frutorë, ku në Lunxheri u djegën rreth 40 ha kullota dhe 500 rrënje arrore, dru frutore dhe vreshtari.

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • LALA: 11/08/2021 16:45

    Nese do të kapet krimineli që vuri zjarrin duhet të dënohet për vrasje me dashje.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46