Sherr dhe grushte në aeroport
Jamarbër Malltezi godet Ballën

Jamarbër Malltezi drejtor i Departamentit të Mjedisit në PD dhe njëherësh dhëndër i ish-Kryeministrit Sali Berisha është konfliktuar fizikisht me deputetin socialist Taulant Balla.

Nga informacionetbëhet e ditur se, incidenti ka ndodhur në aeroportin “Leonardo da Vinçi” të Romës mbrëmë teksa Jamarbër Malltezi ishte i shoqëruar me bashkëshorten, Argita Berisha dhe vajza e tyre, ndërsa Taulant Balla ka qenë i vetëm.

Deputetit Balla pretendon se Jamarbër Malltez e ka goditur në fytyrë dhe ka fyer duke i shkaktuar atij edhe shenja në fytyrë.Në incident ka ndërhyrë edhe policia italiane duke shoqëruar Malltezin dhe bashkëshorten deri tek avioni për të shmangur çdo lloj incidenti tjetër të mundshëm.

Menjëherë pas ngjarjes, me të mbërritur në Rinas, Taulant Balla është pritur nga një grup efektivësh policise të cilët ishin lajmëruar më parë për incidentin dhe prej aty ka bërë denoncimin. Nga ana e saj policia i ka shoqëruar të gjithë personat e përfshirë në këtë incident.

Fillimisht Jamrarbër Maltezi ka refuzuar që të dëshmojë në lidhje me konfliktin që ka ndodhur mes tyre, me pretendimin se çështja është politike.

Gjatë dëshmisë në polici, Jamarbër Malltezi ka thënë se u provokuan, ndërkohë që Balla ka thënë se, e kanë goditur për shkak të detyrës.
 
Pas shoqërimit në polici, Malltezi e Berisha kanë pyetur nëse janë të ndaluar, por oficerët e policisë iu kanë thënë se ishin shoqëruar për shkak të kallëzimit që Balla ka bërë ndaj tyre.

Pas marrjes së dëshmive, çështja tashmë i ka kaluar prokurorisë me akuzën “Goditje për shkak të detyrës”. 
 
Pas marrjes së dëshmive dhe kallëzimit nga Balla policia ka dhënë një vendim për kryerjen e një akti mjeko-ligjor për Taulant Ballën.
 
Lidhur me këtë incident ende nuk ka reagime nga palët, teksa edhe telefonat e dy protagonistëve rezultojnë të mbyllur.
 
 Redaksia Online
(F.T/shqiptarja.com)

TAG:
• argita berisha