Një plagosje me thikë është shënuar ditën e sotme në kryeqytet, në zonën e  “Don Bokos”, ku një i ri është plagosur me thikë.

Burime zyrtare nga policia bëjnë me dije se i plagosur ka mbetur 34- vjeçari S.M.

Ngjarja ka ndodhur rreth orës 10:15 dhe 34- vjeçari është dërguar menjëherë në spitalin e Traumës, ku mësohet se gjendja e tij shëndetësore është e rëndë.

Blutë e kryeqytetit bëjnë me dije se autori i plagosjes, Besnik Kolndreu, 29 vjeç,  është arrestuar menjëherë.

Policia është duke punuar për të sqaruar rrethanat e plota që çuan në konfliktin ku u plagos 34- vjeçari S.M.

Njoftimi i policisë:
Plagos me thik një shtetas, arrestohet në flagrancë autori

Më datë 20.08.2017, Shërbimet e Komisariatit të Policisë Nr 3 në bashkëpunim me shërbimet e Forcës së Posaçme Shqiponjat, kanë bërë të mundur arrestimin në flagrancë të shtetasit:

Besnik Kolndreu, 29 vjeç, banues në Tiranë

Ky shtetas rreth orës 10:15, në rrugën "Don Bosko", ka qëlluar me mjet prerëse shtetasin, S. M., 34 vjeç, i cili ndodhet në S.Q.U., nën kujdesin e mjekëve.

Nga hetimet paraprake është mësuar se këta dy shtetas janë konfliktuar për motive të dobëta

Grupi herimor po punon për sqarimin e plotë të rrethanave të këtij konflikti.

Redaksia Online
D.T/Shqiptarja.com