Kryeministri Edi Rama ka reaguar pas debateve dje në Bruksel, ku opozita kërkoi përjashtimin e Taulant Ballës nga tryeza e punimeve, pasi sipas tyre është i lidhur me krimin.
Rama përmes një fotoje në rrjetet sociale ka ironizuar bojkotin e opozitës, pasi u largua nga salla e PE-së, nuk jo nga dreka e përbashkët në të cilën i pranishëm ishte edhe kryetari i grupit të PS, Balla.
Kryeministri shoqëron foton me statusin ‘Ai momenti kur të vjen zor për komshiun që të ka rënë për hise…”.
![](https://shqiptarja.com/template/img/NO_ALFA_Kuadrate shqiptarja.png)
Dje deputetët e PD kanë kërkuar në Bruksel përjashtimin e Ballës nga Komisioni i Përbashkët Ndërparlamentar Shqipëri-BE, por pas reagimit të Ballës, duke i quajtur shpifës, deputetët opozitarë kanë braktisur mbledhjen.
Raportuesi për Shqipërinë, Fleckenstein reagoi duke deklaruar se 'Nuk jam prokuror, vërtetoni akuzat’’. Ndërsa Përfaqësuesi i së djathtës europiane Eduard Kukan shprehu keqardhje për bojkotin e opozitës, ndërsa bëri thirrje që këto çështje t’i zgjidhin në Tiranë.
Statusi i publikuar nga kryeministri Rama
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)