ITALI- Ajo luftoi me gjithë forcën që kishte në trup, por Etleva Bodi nuk ia doli dot dhe pas 48 orësh, mjekët e spitalit San Paolo në Savona nuk mundën të bënin gjë tjetër veçse të dorëzoheshin. Bashkëshorti i saj, Selami Bodi tentoi ta mbysë gruan e tij, 31 vjeç, dhe më pas mori urgjencën kur ajo nuk po merrte frymë. Etleva Bodi ja doli të mbijetojë 48 orë dhe la pas katër fëmijë.
Ditën që ndodhi ngjarja katër fëmijët flinin në dhomat ngjitur me dhomën e gjumit të nënës së tyre. Tani 41-vjeçari Selami Bodi, i arrestuar nga karabinierët e komandës provinciale të Savonës të drejtuar nga komandanti i kompanisë Fabio Truddaiu, ndodhet në burgun në Marassi, i akuzuar për vrasje.
Përballë kësaj situate, i vëllai i viktimës ka hapur një llogari në Gofound Me, ku i bën thirrje gjithë shqiptarëve që të kontribuojnë për të sjellë trupin e Etleva Bodit në Shqipëri, që ajo të prehet. Ndërkohë, kjo ndihmë do të shkojë edhe për rehabilitimin e katër fëmijëve të mitur, që kanë mbetur të vetëm, më nënën që ndërroi jetë dhe babanë tashmë në burg.
Sulmi ndodhi pak para mesnatës mes të premtes dhe të shtunës, në një apartament në via Corridoni, në lagjen Villapiana. Katër fëmijët e çiftit, të moshës 5 deri në 13 vjeç, tashmë i janë besuar një të afërmi.
Si ndodhi ngjarja?
Burri dhe gruaja fillojnë të debatojnë për shkak të xhelozisë të 41-vjeçarit. Ajo e lë në dhomën e ndenjes dhe shkon në dhomën e gjumit. Pikërisht këtu 41-vjeçari që e dëgjon duke folur në telefon, hap derën dhe e sulmon. Ai i bërtet asaj dhe më pas e sulmon. Vetëm kur gruaja e tij nuk merr më frymë, ai e lëshon dhe telefonon numrin e urgjencës.
Personeli mjekësor dhe karabinierët mbërrijnë në vend. Mjekët e gjetën shqiptaren të pajetë në dysheme dhe pas 60 minutash në reaminacion ajo filloi të merrte sërish frymë. Efektivët e gjetën burrin, ende pranë gruas, e cila rrëfeu mes lotësh se kishte tentuar të vriste gruan.
Shqiptari nuk ka precedentë penalë dhe nuk ka denoncime nga gruaja e tij për dhunë. Ai vetë pranoi se javët e fundit debatet ishin gjithnjë e më të shpeshta.
Shqiptarja Etleva Bodi ndërroi jetë në Itali, pasi burri i saj tentoi ta mbysë, por pas 48 orësh ajo nuk mbijetoi dot. 31-vjeçarja ka lënë pas 4 fëmijë të mitur, të moshës 5 deri në 13 vjeç. I vëllai saj Erjon Kanolja ka dhënë detaje nga kjo ngjarje e rëndë, ndërsa tregon se si nipi i tij vetëm 13 vjeç e ka marrë në telefon pas ngjarjes duke i thënë “daja hajde shpejt”.
I vëllai i viktimës ka hapur një llogari në Gofound Me, ku i bën thirrje gjithë shqiptarëve që të kontribuojnë për të sjellë trupin e Etleva Bodit në Shqipëri, që ajo të prehet. Ndërkohë, kjo ndihmë do të shkojë edhe për rehabilitimin e katër fëmijëve të mitur, që kanë mbetur të vetëm, më nënën që ndërroi jetë dhe babanë tashmë në burg.
“Quhem Erjon Kanolja. Ngjarja e rëndë që ndodhi mbrëmjen e 27 Tetorit në Savona të Italisë, i mori jetën motrës time të pafajshme ETLEVA BODI e cila u bë viktimë e bashkëshortit të saj dhe episodeve të tij të sëmura të xhelozisë. Lajmërohem atë mbrëmje nga nipi im i cili është veçse një fëmijë 13 vjeç :”Daja, hajde shpejt”, ishte thirrja e tij.
Forcat policore dhe mjekësorë dhanë maksimumin e tyre për të shpëtuar jetën e motrës sime, por ajo e pati të pamundur të mbijetonte për shkak te traumës që pësoi dhe ndërroi jete mbrëmjen e 29 Tetorit ora 21:00.
Motra ime la pas 4 fëmije ku më i madhi prej tyre është veçse 13 vjeç. Te 4 këta fëmije tani janë ne dore te drejtësisë Italiane dhe fatit pasi e ëma e tyre ndërroi jetë dhe i ati i tyre gjendet nën arrest.
Ne bëjmë thirrje të gjithë shqiptareve dhe personave te ndjeshëm ndaj kësaj fatkeqësie që na ka ndodhur të na ndihmojnë sadopak të sjellim trupin e pajetë të motrës sonë në Shqipëri dhe gjithashtu ndihme sadopak për rehabilitimin që do t’u bëhet 4 fëmijëve të saj të mitur që ajo la pas.
Një ngjarje e tillë na ka lënë te shokuar dhe të mpirë, të paaftë për të pranuar realitetin. Një ngjarje e tille si kjo na ka plagosur thellë në shpirt dhe do mbetet traume e përjetshme si për ne ashtu dhe për fëmijët që kanë qenë prezent në skenë dhe momentin e tentativës së vrasjes. Ju lutemi na ndihmoni të sjellim trupin e saj të pajetë dhe t’i rehabilitojmë këta 4 fëmijë jetim”, shkruan vëllai i viktimës.
Komente
Lajme të tjera
-
Gjergj Luca i dedikon këngë Giorgia Melonit për Krishtlindje: Kur dolëm nga ferri, Italia na priti duar hapur
23 Dhjetor, 20:52 -
Marrëveshja me Shqipërinë për migrantët, Meloni mbledh qeverinë: Zgjidhje e dakordësuar me BE-në
23 Dhjetor, 17:12 -
Të dënuar për trafik droge, prostitucion e falsifikim dokumentash! Ekstradohen 4 shqiptarë në Itali, dy të tjerë sillen në Shqipëri
23 Dhjetor, 13:55 -
Itali/ Babagjyshët me gondola garojnë në kanalin e madh në Venecia
23 Dhjetor, 13:42 -
Marrëveshja me Shqipërinë/ Meloni synon rifillimin e transferimit të emigrantëve në Gjadër! Mbledh sot qeverinë: Gjyqtarët pajtohen me ne
23 Dhjetor, 12:01 -
Roberto Mancini mbetet i papunë: Askush nuk më ka kontaktuar
23 Dhjetor, 11:23 -
Shatërvani i Trevit në Romë rihapet pas punimeve, monumenti do të kufizohet në 400 vizitorë, rregullat e reja për turistët
23 Dhjetor, 10:46 -
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34 -
E reja italiane goditet 30 herë me thikë nga ish-i dashuri në vendin e saj të punës
22 Dhjetor, 17:53 -
Rreziku nga ‘ujku i vetmuar’! Italia përforcon masat e sigurisë pas sulmit në Magdeburg
21 Dhjetor, 21:48 -
Itali/ Do trafikonin 2 kg kokainë, arrestohen shqiptari dhe italiani! U sekuestrohen edhe hashash e valutë
21 Dhjetor, 21:42 -
Itali/ Trafik kokaine nëpërmjet ‘WatsApp’, kapet në ndjekje 23-vjeçari shqiptar! I sekuestrohen armë dhe euro cash
21 Dhjetor, 19:39
Ja shqiptaret ne Itali, shume jane akoma shpellare dhe sillen si gangsterra dhe injorante. Te vrasesh nenen e femijeve t etu dhe t elesh 4 femije jetim, kjo eshte çmenduri. E kalofsh gjithe jeten ne burg o kriminel, se s'ke e nuk meriton vend tjeter perveç burgut.
PërgjigjuCfare beni more qelbesira. Po femijet pa nene more i qelbur a ste erdhi keq per femijet e tu?? Krijesa mostruoze
Përgjigju