Nëntori ka filluar me një rekord të infektuarish dhe viktimash nga Covid në vendin tonë.
Ministria e Shëndetësisë raporton se 9 viktima dhe 327 raste të reja me Covid, janë shënuar në 24 orët e fundit. Betejn me Covid e kanë humbur 9 qytetarë me Sars-Cov2 pozitiv në 2 spitalet Covid: 44 vjeç dhe 69 vjeç nga Tirana, 60 vjeçe nga Mati, 65 vjeçe nga Durrësi, 66 vjeç Tropojë, 68 vjeç nga Pogradeci, 71 vjeçe nga Elbasani, 71 vjeç nga Berati, 78 vjeç nga Korça. Ndërkohë kujtojmë se në orët e para të mëngjesit një pacient 52-vjeçar është hedhur nga kati i katërt i spitalit Shefqet Ndroqi (COVID 2) e për pasojë ka ndërruar jetë në vend.
Aktualisht në 3 spitalet Covid, po trajtohen 293 pacientë, 14 në terapi intensive nga të cilët 5 pacientë janë të intubuar. Gjithsej gjatë 24 orëve të fundit janë kryer 1472 testime, nga të cilët kanë rezultuar pozitivë 327 qytetarë të prekur nga virusi.
Rastet pozitive të konfirmuara në 24 orët e fundit janë identifikuar në këto bashki:
152 raste në Tiranë, 25 në Durrës, 14 në Lezhë, 12 në Mirditë, nga 11 raste në Korçë, Elbasan, 10 në Kavajë, 9 në Gjirokastër, nga 7 raste në Shkodër, Lushnje, Berat, nga 5 raste në Kukës, Tropojë, nga 4 raste në Devoll, Mallakastër, Përmet, Gramsh, nga 3 raste në Fier, Kurbin, Vlorë, Librazhd, Ura Vajgurore, Fushë Arrëz, nga 2 raste në Pukë, Dibër, Prrenjas, Kuçovë, nga 1 rast në Krujë, Kamëz, Pogradec, Tepelenë, Roskovec, Bulqizë, Peqin, Klos, Skrapar, Cerrik.
"Në 24 orët e fundit janë shëruar 57 qytetarë, duke e çuar numrin e të shëruarve në 11,246 që nga fillimi i epidemisë. Ministria e Shëndetësisë dhe Mbrojtjes Sociale ju bën thirrje qytetarëve të mos e ulin vigjilencën për zbatimin e masave antiCOVID, ruani distancën fizike me persona që nuk janë familjarët tuaj, kujdesuni për higjienën personale dhe mbani maskën në ambientet jashtë shtëpise.
Kontaktoni me mjekun e familjes ose telefononi Urgjencën Kombëtare në numrin 127 nëse dyshoni se ju apo një i afërmi juaj është i prekur nga COVID19. Telefononi në linjën e gjelbër falas 0800 40 40 për të kontaktuar mjekun e familjes, për sherbim psikologjik te specializuar dhe të sigurt si dhe për çdo informacion tjetër rreth COVID19", thuhet më tej në njoftimin e ministrisë.
COVID-19 – Statistika (1 Nëntor 2020)
Raste të reja ditore 327
Të shëruar ne 24 orë 57
Të shtruar në spitale 293
Humbje jete në 24 orë 9
Testime ditore 1472
Testime totale 126,692
Raste pozitive 21,202
Raste të shëruara 11,246
Raste Aktive 9,438
Humbje jete 518
Shpërndarja gjeografike e rasteve aktive sipas qarqeve:
Tiranë 4782
Durrës 873
Fier 719
Korçë 578
Shkodër 533
Lezhë 437
Elbasan 414
Vlorë 387
Berat 284
Kukës 199
Gjirokastër 141
Dibër 91
Konfirmohet pozitive me Covid-19 një mësuese në shkollën 9 vjeçare "Jorgji Dilo" në Elbasan.
Infektimet vazhdojnë po në të njëjtën shkollë ku disa ditë më parë rezultoi me Covid edhe drejtoresha e saj.
Pas rasteve mësimi do të vazhdojë normalisht pa ndërprerje.
Aktori Koço Devole përpara se të intubohej
Aktori i mirënjohur i humorit Koço Devole ka rezultuar pozitiv me koronavirus disa ditë më parë, ndërkohë që dje është futur në intubim.
Burime për Report Tv mësojnë se aktori ka qenë prej disa ditësh në spital, ndërkohë dje ka dalë nga Infektivi, por për shkak të përkeqësimit është rikthyer sërish dhe është futur në intubim.
75-vjeçari Koço Devole është një nga personalitet më të njohura të humorit shqiptar, dhe numëron në repertorin e tij qindra role, në filma dhe komedi.
Përveçse është një aktor i shkëlqyer humori, Devole është karikaturist, skenarist, regjisor si edhe një prezantues spektaklesh.
Rolet e tij në skene dhe ekran janë nga më të njohurit për publikun shqiptar.
Deputetja e opozitës parlamentare Rudina Hajdari është infektuar nga koronavirusi.
Këtë e bën të ditur vetë ajo përmes një postimi në Facebook. Deputetja thotë se ka vetëm simptoma të lehta dhe të përballueshme teksa qëndron e vetëizoluar në shtëpi.
Por ajo nuk do ta ndalojë punën teksa shprehet se do ta vijojë nga shtëpia.
Postimi i plotë i Rudina Hajdarit
Mbas shfaqjes së disa simptomave, jam testuar dhe kam rezultuar pozitive me Covid19. Fatmirësisht deri tani simptomat janë të lehta dhe të përballueshme, por do më duhet të izolohem për të ruajtur shëndetin e familjarëve, bashkëpunëtorëve dhe mbështetësve. Nga sot e deri kur rezultatet të ridalin negative, do të punoj nga shtëpia dhe do të mund të takohemi vetëm online. Do mundohem të përdor sa më shumë teknologjinë për të kompesuar mungesën fizike dhe ta shfrytëzoj këtë kohë për të zhvilluar ide dhe projekte të reja. Ju lutem shumë merreni seriozisht këtë sëmundje dhe masat mbrojtëse ndaj saj. Ruajuni për veten dhe familjet tuaja. Ju uroj shëndet të gjithëve
Komente
Lajme të tjera
-
'Turizmi shëndetësor' - Media italiane: Shqipëria po çmend italianët, dyndje në klinikat e Tiranës për kontrolle mjekësore
10 Prill, 18:21 -
Mjeku shërbim privat në spitale shtetërore pas orarit të punës, nëse qytetari e kërkon! Doktori merr 70% të fitimit, 30% spitali
26 Janar, 10:57 -
Vizitat në qendrat shëndetësore u rritën gjatë 2022-shit, por numri i mjekëve dhe infermierëve pësoi rënie si pasojë e emigracionit
4 Dhjetor 2023, 08:55 -
Qytetarët protestë para ministrisë së Shëndetësisë për mungesën e ilaçeve jetëshpëtuese: Mungon trajtimi për sëmundjet e rënda
16 Nëntor 2023, 18:42 -
Vlorë/ Gripi e virozat, shtohet fluksi në qendra shëndetësore! Apeli i mjekut: Bëni vaksinën!
25 Tetor 2023, 16:08
-
Në pritje të vjeshtës, sigurohen 270 mijë vaksina falas kundër gripit
31 Gusht 2023, 13:44 -
Dëmtimet afatgjata në shëndet post Covid-19, Mjekët: Në 2 vjet janë shtuar pacientët me çrregullime në frymëmarrje dhe depresion
31 Gusht 2023, 07:43 -
Zbuloni ushqimet që ndikojnë në rritjen e ankthit
30 Qershor 2023, 11:20 -
VKM/ Protesta e studentëve të mjekësisë, Kushi e Manastirliu: Po konsultohemi! Qeveria e detyruar të frenojë fenomenin, rrezikojmë të ngelim pa mjekë
29 Qershor 2023, 11:56 -
FOTOLAJM/ Rekord guinnes në Sri Lanka, pacientit i hiqet guri 13.4 cm nga veshkat
15 Qershor 2023, 15:41 -
Dita Botërore e Dhurimit të Gjakut, Manastirliu: Të fuqizojmë rrjetin e dhuruesve vullnetarë për fëmijët talasemikë
14 Qershor 2023, 11:56 -
Manastirliu inspekton fazën e dytë të punimeve në Spitalin Pediatrik: Gati edhe dy projekte të reja në QSUT
9 Qershor 2023, 14:57
MOS DILNI O NJEREZ nga shtepite kot se korona eshte verdalle.....
PërgjigjuPo po vërdall duhet të jetë se del me orar, psh del mbas orës 21 dhe shkon nëpër lokale me muzikë (se i pëlqen muzika dhe femrat)