Shifrat e INSTAT/ Në tremujorin e tretë të 2021-it energjia elektrike u rrit me 12%, humbjet në rrjet ranë me 5.7%

Një rritje me 12% ka shënuar prodhimi i energjisë elektrike në vend gjatë tremujorit të tretë të vitit 2021. Sipas shifrave të INSTAT prodhimi neto vendas i energjisë elektrike në këtë periudhë u rrit me 7,2 % duke arritur vlerën 1.371 GWh nga 1.280 GWh energji të prodhuar në tremujorin e tretë të vitit 2020.

Humbjet në rrjet arritën vlerën 343 GWh nga 325 GWh duke shënuar kështu një rritje me 5,7 %.  Sa i përket humbjeve në transmetim INSTAT raporton se janë rritur me 16,7 % ndërsa humbjet në shpërndarje janë rritur me 4,3 %.

Humbjet teknike në shpërndarje kanë shënuar një rritje me 7,8 %, ndërsa humbjet jo teknike në  shpërndarje kanë shënuar një rënie me 2,2 %, krahasuar me tremujorin e tretë të vitit 2020.

"Prodhimi i energjisë elektrike u realizua nga hidrocentralet publike në masën 76,3 %, nga hidrocentralet private dhe koncensionare në masën 22,7 % dhe nga të tjerë prodhues (energji e rinovueshme) në masën 1,0 % të prodhimit neto vendas të energjisë elektrike. Importi bruto i energjisë elektrike (energji në marrje), në tremujorin e tretë të vitit 2021, arriti vlerën 975 GWh nga 666 GWh që ishte në të njëjtën periudhë të një viti më parë, duke shënuar kështu një rritje me 46,5 %. Eksporti bruto i energjisë elektrike (energji në dhënie) arriti vlerën 323 GWh nga 139 GWh duke shënuar një rritje me 2,3 herë", thuhet në raport.
 


(Kliko ketu per te lexuar statistikat e plota)

K.T./I.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të ndalohen filmat shqiptarë të prodhuar gjatë periudhës komuniste?



×

Lajmi i fundit

John

Aksident në Vlorë, makina përplas 10-vjeçarin! Dërgohet në spital