Shqipëri- Shiu që nisi mëngjesin e kësaj të hëne ka shkaktuar probleme në disa nga qytetet kryesore të vendit. Probleme me shiun në rrugë ka patur në Shkodër, Elbasan, Fier, Vlorë, Korçë e Gjirokastër. Në Gjirokastër, një i ri humbi jetën pasi u godit nga rrufeja.
Në Shkodër, degradimi i tarracës së këtij spitali, por edhe problemet me kanalizimet e rrugëve, kanë sjellë në pak minuta shi përmbytjen e katit të parë të spitalit por edhe të rrugëve kryesore të qytetit e bulevardit qendror.
Gazetari i Report Tv në Shkodër, Ergys Kavaja raportoi nga spitali se po bëhet një ndërhyrje për të sjellë normalizimin e situatës në ambientet e spitalit. Personeli mjekësor bëri me dije se brenda këtyre ditëve pritet një ndërhyrje për të normalizuar situatën. Në pamjet e siguruara nga Report Tv mund të shikohet qartë sesi personeli i qytetit me anë të batanijeve ka tharë ujin në korridore.
Probleme me rrjetin kullues dhe tarracën. Korridori ishte i mbushur me ujë. Por personeli bëri të mundur që gjithçka të vihet në normalitet. Jo vetëm në spital, por edhe në rrugët e qytetit, pritet një ndërhyrje brenda këtyre ditëve. Kështu ëështë bërë me dije nga spitali.
Ergys Kavaja, gazetar
Në qytetin e Vlorës moti i pazakontë që ka përfshirë Shqipërinë mesditën e sotme, ka shkaktuar probleme në shumë biznese përgjatë Lungomares, ku janë thyer pemë, çadra e shezlone.
Korrespondenti i Report Tv në Vlorë Armand Xhelili, në një lidhje telefonike, ka thënë se era e fortë ka sjellë largimin e menjëhershëm të pushuesve nga bregdeti, ndërkohë që mësohet se tashmë moti është qetësuar dhe se po punohet për normalizimin e situatës.
Moti i keq që ka përfshirë vendin ditën e sotme ka shkaktuar një “dimër” edhe në qytetin e Fierit.
Mësohet se nga shiu ka patur probleme me energjinë elektrike por tashmë janë rregulluar. Era ka vazhduar për disa orë, ndërsa tani është shqetësuar. Nga shiu dhe era e fortë ka patur degë pemësh të thyera në unazën e qytetit.
Prefekti i Fierit, Beki Bala ka thënë për Report Tv se situata tashmë është normalizuar.
“Situata në Fier është jo alarmante.”, ka thënë Baki Bala, prefekti i Fierit
Dëme të mëdha materiale janë shkaktuar nga shiu që ra mesditën e sotme në fshatin Goskovë të njësisë administrative Voskop të Korçës. Stuhia e shiut, mjaftoi që brenda 30 minutave të kthente makina përmbys, përmbyti një biznes privat si dhe rrëzoi pemë e mbuloi rrugët nga balta.
Report Tv ka siguruar pamje ekskluzive nga dalja nga shtrati e përroit i cili ka shkaktuar një situatë apokaliptike.
Në një video e publikuar në rrjetet sociale nga Nardi Ymeri, pronari i një punishteje ku kryhen saldime shihet sesi uji vërshon dhe merr para çdo gjë.
Rrjedha e fuqishme e ujit, mori para djalin që kishte kameran dhe e përplasi me disa hekura. Në video dëgjohet edhe zëri i djalit që kërkonte ndihmë nga i ati, ndërkohë që ky i fundit e sugjeron të mbahet pas disa hekurave.
Banorët e zonës thonë se nuk kishin parë kurrë një tërbim të tillë nga ky përrua që kalon ngjitur me fshatin. Moti është normalizuar tashmë, ndërsa banorët janë përpjekur të rregullojnë atë çfarë ka lënë pas shiu.
Reshjet e shiut të shoqëruara me breshër dhe stuhi pasditen e së hënës kanë dëmtuar totalisht të mbjellat bujqësore në Elbasan. Breshëri i diametrit 3-5 cm dëmtoi cdo gjë, në një moment ku prodhimtaria ishte në kulmin e saj. Tashmë fermerët ndjehen të rrënuar, ndërsa vlera e dëmit është relativisht e lartë. Ata shprehen, se te ardhurat nga bujqësia janë e vetmja mënyrë që ata të mbijetojnë dhe kërkojnë kompensim të dëmeve nga strukturat përkatëse të drejtorisë së bujqësisë së Elbasanit.
Në të njëjtën linjë me fermerët shprehet edhe kryeplaku i fshatit, ndërsa thekson faktin se një breshër të tillë nuk e kishte parë ndonjëherë të binte në këtë zonë.
Ndërsa administratori i njësisë administrative Labinot-Mal, Ruzhdi Pisha, tha se pushteti lokal do të ndjekë të gjitha procedurat e nevojshme dhe do të bëjë maksimumin për të dëmshpërblyer fermerët.
Ndërkohë moti i keq ka shkaktuar dëme më të vogla në mjaft fshatra të tjerë të Qarkut të Elbasanit. Ndërsa nga breshëri i rënë në muajin qershor në këtë qytet, fermerët nuk përfituan asnjë ndihmë nga shteti.
Pamje nga breshëri në Labinot:
.jpg)
Komente
Lajme të tjera
-
'Masakra e Shkodrës me 4 të vrarë, pranga personit që vodhi 'Range Rover-in' e autorëve! Arrestimi u mbajt i fshehtë disa ditë, por s'pranoi të bashkëpunonte
26 Nëntor, 10:07
-
Aksident në aksin 'Shkodër-Koplik' mëngjesin e sotëm, automjeti përplasi për vdekje 80-vjeçarin
26 Nëntor, 08:15 -
Shoqatat e ish-të Përndjekurve takim në Shkodër: 'Të nisin kërkimet për të zhdukurit e Komunizmit!' Imzot Massafra: Shteti të përshpejtojë procesin
25 Nëntor, 14:31
-
Nga Piemonti në Shkodër, pensionistët italianë: Hoqëm dorë nga gjithçka sepse jeta këtu kushton shumë më pak
25 Nëntor, 09:07
-
Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë
24 Nëntor, 10:00 -
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Stuhia ‘Bert’ godet Mbretërinë e Bashkuar! Konfirmohet viktima e parë
23 Nëntor, 16:51 -
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Ikën stuhia, Shkodra përfshihet nga dëbora, të gjitha rrugët të kalueshme (VIDEO)
23 Nëntor, 11:55 -
Reshje bore në Rrugën e Kombit, lëvizni me kujdes! Trashësia 5 cm në Tunelin e Kalimashit! Mungesë energjie në fshatrat e Kukësit dhe Korçës
23 Nëntor, 11:28
-
Moti i keq në Shkodër, prurje masive ujërash në tunelin e Gjegjanit! Policia dhe nënkontraktori në terren me 2 fadroma
22 Nëntor, 19:26 -
Moti i keq/ Fshatrat e Shkodrës pa energji elektrike
22 Nëntor, 18:21
Cfare balte dhe peme jane mbuluar rruget ne Korce ? RAste sporadike qe nuk kane te bejne me nje mot te keq masiv ? Ku jane valle keto peme e makina te rrezuara dhe rruge te mbuluara me balte ? Nje fatkeqesi ne ndonje MINI/zone te vecante mund te jete ndonje bresher qe eshet vertet e rende per prodhuesit sidomos perime dhe futikulture.... Dhe per kete mbase neser mund te jepet nje pasqyre e qarte....Te jemi me reale ne info,sidomos ne masivizimin dhe zmadhimin e fatkeqesive me teper se jane realisht.NE SHUME ZONA INTENSIVE TE KORCES QE NGA ZVIRINA,DVORANI,MBYLLI SHUME PROBLEME TE THATESIRES SEPSE KISHIN DITE QE KISHIN FILLUAR VADITJET , PO ASHTU DHE VRANISHTI DHE ZONAT E TJERA TE DEVOLLIT.PRA SI PERFUNDIM TE GJITHE FERMERET JANE TE KENAQUR NGA SHIU DHE NUK DUHET TE MASIVIZOJME DHE TE PERHAPIM PANIK PA QENE SITUATA E TILLE.(nE MOMENT KAM MARRE NE CEL MIQTE E MIJ NE TE KATER ANET E KORCES DHE DEVOLLIT DHE REZULTATI I PERGJITHSHEM ESHTE QE RRESHJET E SOTME ISHIN TEPER POZITIVE MASIVISHT PER GJITHE KULTURAT
Përgjigju