POP 5

Lajmet më të lexuara të 5 minutave të fundit

Bota

Shiu ‘pushton’ Italinë, përmbytje masive në disa zona! Emilia Romagna më e prekura

E gjithë Italia është, nga veriu në jug nën ujë, e goditur nga moti i keq që goditi edhe Sicilinë, e cila prej muajsh kalonte një thatësire të madhe.

E gjithë Italia është, nga veriu në jug nën ujë, e goditur nga moti i keq që goditi edhe Sicilinë, e cila prej muajsh kalonte një thatësire të madhe.

Situata është e vështirë në shumë zona të vendit. Në Emilia Romagna pas alarmit të kuq deri në mesnatën e së shtunës, ka një alarm portokalli nga e diela. Pas reshjeve të reja, në zonën e Ravenës, është kërkuar evakuimi total i disa zonave. Bashkia e Bolonjës ka lëshuar gjithashtu një urdhër për evakuimin e kateve përdhese, dhe bodrumeve në zonat kritike pranë lumit Reno dhe përrenjve Savena dhe Ravone.

 Banorëve iu bë thirrje që të mos dalin nga banesat pasi në 4 orë u regjistruan 80 milimetra shi. Një ditë më herët në Bologna u konfirmua vdekja e një 20 vjecari në Pianoro Në Cesenatico, në vetëm pak orë ranë 70 milimetra shi, duke shkaktuar krizë në një pjesë të sistemit të kanalizimeve dhe nënkalimeve. Transporti hekurudhor u pezullua.

Situata është e rëndë edhe në Siçili. Në Licata, në zonën Agrigento, lumi Salso u përmbyt në disa vende. Banorët e disa shtëpive braktisën shtëpitë e tyre si masë paraprake dhe disa, për të shpëtuar veten, u ngjitën në çatitë e makinave të tyre. Meteorologët e shpjegojnë përkeqësimin e motit me ndryshimet klimatike. Gazeta italiane Corriere della sera pyeti meteorologun Mattia Gussoni I cili shpjegon sesi ndikon edhe ngrohja e ujërave të deteve.

“Problemi qëndron tek te temperaturat e larta të Mesdheut. U lëshua stuhia e përsosur: nga njëra anë deti mjaft i ngrohtë, nga ana tjetër zbritja e një rryme të ftohtë të paqëndrueshme nga Evropa veriore. Italia është më ë ekspozuara ndaj këtyre luhatjeve”, tha ai.

S.B/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A e forcojnë besimin tuaj tek SPAK arrestimet e Metës e Çyrbjas?

Lajme të tjera



×

Lajmi i fundit

Von der Leyen nesër në Kosovë, takohet me Osmanin e Kurtin

Von der Leyen nesër në Kosovë, takohet me Osmanin e Kurtin

25 Tetor, 23:03