Alimadhi nuk shkarkon Metën: Nëse del se presidenti ka bashkëpunuar me rusët mund të ndryshoj mendje! Gazetari Doçi: Mund të japë dorëheqjen

Gara brenda PD ka pasur përplasje të shumta mes kandidatëve në garë dhe Lulzim Bashës duke e akuzuar se po mban të fshehta listat e emrave të anëtarësisë. Për Fabian Topollaj kjo është një déjà vu pasi edhe në zgjedhjet e 2013 kur në garë Basha ishte me Sokol Olldashin ka ndodhur e njëjta gjë.

Topollaj tha në Repolitix se ai ishte përfaqësues i Sokol Olldashit dhe se ai vuri re që asnjë nga anëtarët e vjetër të PD nuk e kishin emrat për të votuar, kjo pasi ata që kontrollonin listat u siguruan që të vendosnin emrat e 15-vjeçarëve dhe atyre që do të votonin për Lulzim Bashën.

“Ajo që është duke ndodhur në PD është një déjà vu e dy herëve të tjera. PD nuk ka zhvilluar zgjedhjet për kryetarin e saj as në 2013 dhe as në 2017. Nëse në 2013 besuam se do të kishte një proces zgjedhor ku do të merrte pjesë e gjithë anëtarësia e pamë me sytë tonë se çfarë ndodhi. Unë isha përfaqësuesi i Sokol Olldashit në Tiranë dhe e dija që ke dera se kush e kishte emrin te lista e votuesve dhe kush jo, dhe të gjithë anëtarët e vjetër nuk e kishin emrin në listë pasi ata që kontrollonin procesin ishin kujdesur që të votonin vetëm ato që votonin Bashën. Kur shikoja 15-vjeçaret e dija që  e kishin emrin në lista dhe isha i bindur për të votuar Bashën. Nuk mund të ketë proces zgjedhor kur kandidatët nuk njohin votuesit, kur ata nuk e dinë kush është baza kush do të votojë për ata, kujt do i drejtohen po të mos dinë se kush do votojë. Ajo që po ndodh sot në PD është një déjà vu. Basha sërish nuk po i jep listat e kandidatëve dhe nëse ata që janë në garë i kanë pranua këtë rregull është çështja e tyre“, tha Topollaj.

Kuvendi do të votojë nesër raportin e përgatitur nga Komsioni Hetimor për shkarkimin e presidentit Ilir Meta për shkelje të rënda ligjore. Gazetari Adriatik Doci tha në emisionin 'Repolitix' në Report Tv se Meta mund të japë dorëheqjen duke ruajtur privilegjet dhe thekson se shkarkimi i heq të gjitha përfitimet personale.

“Në raportin prej 100 faqesh janë faktuar mbi 30 shkelje rënda të Ilir Metës, disa prej të cilave me natyrë penale. Në raport janë referuar edhe precedentë nga vendet demokratike në Evropë dhe më gjerë, kur Gjykatat Kushtetuese kanë shkarkuar Presidentët për shkelje më të lehta se sa Meta, ku kanë mbështetur parti të caktuara, duke dalë jashtë rolit të përfaqësuesit të unitetit të popullit dhe paanshmërisë. Kështu që edhe Meta është i bindur për shkarkimin. Ka shumë mundësi që në këto rrethana, Meta të japë dorëheqjen si Presidentit para se vendimi i shkarkimit nga Kuvendi të shkojë në Gjykatën Kushtetuese. Pse mund ta ndërmarrë këtë veprim? Duke dhënë dorëheqjen, Meta ruan privilegjet si ish president, për vetë dhe për familjen e tij. Privilegjet janë pasaporta diplomatike, roje, makinë, shoqërues, ruajt nga Garda për 5 vite, shpërblime financiare etj”- tha Doçi.