POP 5

Lajmet më të lexuara të 5 minutave të fundit

Kronikë

Vijon vala e shkarkimeve, ikën edhe drejtori i KESH-it Agron Hetoja, ja kush e zëvendëson (EMRI)

Ministrja e re e Infrastrukturës dhe Energjisë vijon shkarkimet pas marrjes së detyrës. Ditën e sotme është shkarkuar nga detyra drejtori i KESH-it, Agron Hetoja.

TIRANE-Ministrja e re e Infrastrukturës dhe Energjisë, Belinda Balluku vijon valën e shkarkimeve pas marrjes së detyrës. Ditën e sotme është shkarkuar nga detyra drejtori i KESH-it, Agron Hetoja, ndërsa në vendin e tij është emëruar Benet Beci, i cili ka mbajtur postin e drejtorit të Fondit Shqiptar të Zhvillimit.

Në vendin e Becit është emëruar Dritan Agolli. Ai është një figurë e njohur, pasi më parë në kohën kur bashkinë e Tiranës e drejtonte Edi Rama ka mbajtur postet e Administratorit të Përgjithshëm, drejtor i Punëve Publike dhe drejtorit të Planifikimit Urban.

Në javën e kaluar, Balluku shkarkoi nga detyra drejtorin e ARRSH-së dhe OST-së pas skandalit me tenderat e fituara nga firma DH Albania. Ndërkohë që lëvizjeve nuk i shpëtoi as drejtori i Portit të Durrësit, i cili gjithashtu u shkarkua nga ministrja e re (lexo këtu).

Kush është Benet Beci?
Benet Beci është diplomuar në Fakultetin e Ekonomisë pranë Universitetit të Tiranës, dega Ekonomi Politike, në vitin 1987. Në vitin 2003 përfundon programin dy vjeçar "Master në Administrim Biznesi" (MBA) duke mbrojtur tezën "Sistemi bankar në tranzicion, tronditjet dhe mësimet", pranë Fakultetit të Ekonomisë së Universitetit të Tiranës në bashkëpunim me Universitetin Nebrasca-Lincoln.

Ai ka kryer edhe një sërë specializimesh te tjera brenda dhe jashtë vendit. Fushat e specializimeve janë kryesisht në sistemin bankar dhe funksionet e institucioneve të kredidhënies, analizës financiare, manaxhimin e riskut dhe përcaktimin e normave të interesit, manaxhimin efikas të institucioneve mikrofinanciare, buxhetimin, planifikimin dhe menaxhimin e projekteve, si dhe modelimin e institucioneve financiare dhe të kreditimit.

Gjatë karrierës së tij, Benet Beci, numëron detyra të rëndësishme duke filluar nga ajo në Ministrinë e Transporteve, ku për 5 vite ka mbajtur detyrën e inspektorit të tarifave dhe standardeve. Më pas, në vitin 1992 ka punuar në Sektorin e Marrëdhënieve me Jashtë në Bankën Kombëtare (sot Banka e Shqipërisë). Nga viti 1993 deri në vitin 2005 Beci ka punuar në institucione financiare të ndryshme si Banka Kombëtare Tregtare, Fondi i Financimit Rural, dhe Unioni i Shoqatave të Kursim Kredisë. Po ashtu ai ka qenë anëtar i Këshillit Mbikqyrës të Bankës së Shqipërisë, si dhe anëtar i Komitetit të Kontrollit të Bankës së Kreditit të Shqipërisë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kesh: 28/01/2019 21:22

    Prokuroria dhe ministrja te mos mjaftohet me shkarkimin qe keta hajdut e kane meritu me kohe, duhet verifiku pasuria e tyre qe nuk munden me e justifiku ne asnje rast.sekuestrim me e pakta

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kurbin/ Humb kontrollin e mjetit dhe del nga rruga, ndërron jetë 65- vjeçari

Kurbin/ Humb kontrollin e mjetit dhe del nga rruga, ndërron jetë 65- vjeçari

25 Dhjetor, 08:23