Shkarkohet drejtuesi i Prokurorisë së Beratit, Dritan Gripshi! KPK e gjen me probleme në kriterin e pasurisë

Shkarkohet nga detyra prokurori i Beratit, Dritan Gripshi. Vendimi u mor sot (27 mars 2024)  nga trupa gjykuese e KPK-së e  kryesuar nga Genta Tafa Bungo, Suela Zhegu relator, Roland Ilia anëtar.

“Komisioni i Pavarur i Kualifikimit njofton se pas shqyrtimit të dokumentacionit dhe zhvillimit të seancës dëgjimore në datën 25.3.2024, për subjektin e rivlerësimit, z. Dritan Gripshi, bazuar në ligjin nr. 84/2016, vendosi: Shkarkim nga  detyra të subjektit të rivlerësimit z. Dritan Gripshi, prokuror në Prokurorinë pranë Gjykatës Shkallës së Parë të  Juridiksionit të Përgjithshëm Berat" thuhet në njoftim.

Gjatë seancës dëgjimore të 25 marsit trupi gjykues I kërkoi shpjegime lidhur me mungesën e burimeve dhe dyshimeve për veprime fiktive me qëllim justifikimin e burimeve të shpenzimeve të mëvonshme, si dhe për gjetjet në kriterin profesional për moskryerje dhe zvarritje hetimesh.

LEXO EDHE:
Berat/ Të shtëna me armë në drejtim të dy personave në lagjen 'Donika Kastrioti'! Autorët ishin me mjet, policia në kërkim! Shkak, dyshohet prishja e pazareve të drogës në Greqi (EMRAT)

Gripshi gjatë seancës së zhvilluar sot, pas komunikimit të vendimit reagoi, duke theksuar se provat e dorëzuara prej tij nuk paskan pasur asnjë vlerë.

Karriera e Prokurorit

26.03.2021 - 27.03.2024 - Drejtues i Prokurorisë pranë Gjykatës së Shkallës së Parë të Juridiksionit të Përgjithshëm Berat.

• 2008 - aktualisht - Prokuror në Prokurorinë pranë Gjykatës së Shkallës së Parë Berat.

• 2007 - 2008 - Prokuror në Prokurorinë pranë Gjykatës së Shkallës së Parë Durrës.

•16.09.1996 - 2007 - Prokuror në Prokurorinë pranë Gjykatës së Shkallës së Parë Elbasan.

TAG:
• dritan gripshi
• Berat

Sondazhi i ditës:

Çfarë prisni në vitin 2025?

• Punë

  10.9%

• Shëndet

  67.7%

• Mirëqënia

  21.4%

Vota total: 2211

Votat totale janë unike

• Sondazhi i ditës:

  Çfarë prisni në vitin 2025?

  Punë Shëndet Mirëqënia