POP 5

Lajmet më të lexuara të 5 minutave të fundit

Kronikë

Shkodër, 87 kubikë me kanabis,
në hetim 4 policë dhe kryeplaku 

Në kuadër të 'Strategjisë Kombëtare Antikanabis', një tjetër kryeplak në Shkodër është arrestuar dhe 4 punonjës të policisë janë ndjekur penalisht.  VIDEO
Vijon aksioni i Policisë për parandalimin e kultivimit të kanabisit. Në qytetin e Shkodrës  janë arrestuar Paulin Kola dhe Zef Kola, për shkak se iu gjetën 87 kubikë me bimë kanabisi në njësinë Administrative Gur i Zi.
 
Në kuadër të planit të masave për parandalimin e kanabisit, Policia po heton 5 punonjës të saj, mes tyre edhe dy shefa hetimi.
 
Gjithashtu për drogën e gjetur do të hetohet në gjendje të lirë edhe Administratori i Njësisë Administrative Gur i Zi Pjerin Marku si dhe kryeplaku i fshatit Rrenc.
 
Hetimi i zyrtarëve dhe punonjësve vendor po bëhet në kuadër të masave që po ndërmerren për parandalimin e kanabisit. Tashmë policët e zonës, kryepleqtë, por edhe punonjësit e administratës vendore, do të mbajnë përgjegjësi për kanabisin.
 
Strategjia e qeverisë parashikon angazhimin e të gjitha strukturave për parandalimin e kultivimit të kanabisit, duke filluar që nga policia, SHISH dhe deri te inspektorët pyjore.

Pak ditë më parë kanë enë punonjës të Policisë së Kurbinit që u pezulluan nga detyra si dhe nisën hetimet për drejtorin e Policisë dhe nëndrejtorin, për shkak se u gjet një parcelë me kanabis në këtë zonë.

shkoder droge

shkoder droge

shkoder droge
Të arrestuar
Paulin Kola, 35 vjeç
Zef Kola, 59 vjeç

Do hetohen
Pjerin Marku Administrator i Njësisë Administrative Gur i zi
 
Kolë Marku Kryeplak i fshatit Rrenc
 
Rexhina Kola, 58 vjeçe, banuese në Rrenc
 
Marian Kola, 30 vjeç, banues në Rrenc
 
Policët që po hetohen
Shef Seksioni për Hetimin e Krimeve, Komisar S. B
 
Shef i Policimit në Komunitet, Komisar I. H
 
Referent i SPZ , Nënkomisar E. Sh
 
Specialist për Hetimin e Krimeve Nënkomisar Arben Hoxha.
 
Ndihmës Specialist SPZ në zonën Gur i Zi, Inspektor Eduard Mandia 

Zyrtarët dyshohet se kishin dijeni për drogën por nuk raportuan në polici, për këtë arsye kanë nisur hetimet pë 5 policët.

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

Tiranë/ I dashuri i vajzës dhe 4 djem në kërkim për alarmin tek 'Astiri', policia: Dyshohet se mbajtën të mbyllur 21-vjeçaren

Tiranë/ I dashuri i vajzës dhe 4 djem në kërkim për alarmin tek 'Astiri', policia: Dyshohet se mbajtën të mbyllur 21-vjeçaren

10 Janar, 13:34