POP 5

Lajmet më të lexuara të 5 minutave të fundit

Kronikë

Shkodër, dogjën makinat që përdorte agjenti i krimeve arrestohen vëllezërit, identifikohet dhe shpallet në kërkim porositësi! Shikoni VIDEON

Dy vëllezër u arrestuan në Shkodër pasi akuzohen se i vunë flakën makinave  që ishin në përdorim nga agjenti i krimeve. 

Shkodër-Dy vëllezër u arrestuan në Shkodër pasi akuzohen se i vunë flakën makinave që ishin në përdorim nga agjenti i krimeve Ergys Lohja. Ngjarja ka ndodhur më 30 tetor në lagjen ‘Kongresi i Përmetit, ku dy makinat në pronësi të Sabaudin Hoxhës, vjehërrit të Lohjas, u shkrumbuan totalisht nga flakët.

Të arrestuarit janë Elvis Serraj dhe Klevis Serraj. Ndërkohë është shpallur në kërkim porositësi i identifikuar si Gjekson Pusi, një person me precedentë penal.

Më 30 qershor të 2020 Gjekson Pusi u arrestua si bashkëpunëtor në vrasjen e biznesmenit Hekuran Billa në qershor të këtij viti. Sipas policisë Pusi ka qenë shoferi i Viktor Markut, i cili dyshohej si autori kryesor që qëlloi me breshëri automatiku me silenciator ndaj Billës, teksa kalonte pranë një qendre tregtare tek Komuna e Parisit.

Ndërkohë falë kamerave të sigurisë policia ka siguruar dhe pamjet e momentit kur vëllezërit hyjnë në oborrin e banesës, vënë shishen me benzinë para makinës dhe i vënë zjarrin.

“Në kuadër të operacionit u kapën dhe u vunë në pranga  shtetasit Elvis Serraj ,19 vjeç dhe Klevis Serraj, 20 vjeç (vëllezër), të dyshuar si autorë të djegies së dy automjeteve. Si dhe u shpall në kërkim  Gjekson Pusi  37 vjeç, banues në Shkodër, i dyshuar si porositësi i djegies së automjeteve në pronësi të shtetasit Sabaudin Hoxhës, informoi sot policia.

Gjatë kontrollit në banesën e dy vëllezërve efektivët sekuestruan veshjet, biçikleta e përdorur gjatë vendosjes së zjarrit, një armë zjarri automatik një sasi lënde narkotike kanabis dhe 18 aparate celular.

Operacioni u kodua ‘Porositësi’.

Xh.K/G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • DYLI: 03/11/2024 07:55

    Llesha normale .....kokrrat e pellazgeve

    Përgjigju
  • Turi: 02/11/2024 13:42

    Shiko çfarë emrash kane. Keto duhet te zbresin ne Shkoder me pasaporte

    Përgjigju
    • Aleks palushi: 02/11/2024 17:51

      Pse ma vlla ca emrash kena? Apo duhet me pas emra musliman ka arit me tpelqy ty

  • Sondazhi i ditës:

    Çfarë prisni në vitin 2025?

Lajme të tjera



×

Lajmi i fundit

Kthimi i qytetarëve në Shqipëri pas festave, krijohet trafik i rënduar në segmentin Milot -Balldre

Kthimi i qytetarëve në Shqipëri pas festave, krijohet trafik i rënduar në segmentin Milot -Balldre

2 Janar, 17:15