SHKODËR - Dy të rinj nga Shkodra grabitën një argjendari, por “fati” mesa duket nuk ishte me ta. Në tentativë për tu larguar ata janë përballur me patrullat e policisë të cilët i kanë prangosur.
 
Personazhe të kësaj ngjarjeje janë të rinjtë nga Shkodra Ardit Kola 19 vjeç dhe Edmond Ulka 25 vjeç, të cilët në orët e para të mëngjesit të kësaj të enjteje mundën të grabisnin një argjendari në lagjen Rus të Shkodrës.

Pasi janë future në argjendari grabitësit kanë tentuar të godasin me karrige shitësen dhe kanë mundur të marrin një sasi parash si dhe bizhuteri nga argjendaria, ndërsa janë larguar në këmbë. Gjatë arratisë ata janë përplasur me një patrullë policie që i ka prangosur.

Ora 11:56 Njoftimi i policisë së Shkodrës
Me datë 19.03.2015 rreth ores 10.15 në lagjen Partizani, Shkoder, u bë e mundur që të kapet në flagrancë shtetasi A K, vjec 19, banues ne lagjen Guerrile dhe shtetasi E U, vjec 25, banues ne lagjen Guerrile, Shkoder, duke vjedhur në një dyqan argjendarie.

Redaksia Online
(Gre.M/Shqiptarja.com)