SHKODËR – Humbja e kontrollit të automjetit ka rezultuar fatale për dy të rinjtë Ervin dhe Eugen Ndreca, të cilët kanë humbur jetën si pasojë e një aksidenti të ndodhur në aksin Shkodër- Hani i Hotit.

Dy 20-vjeçarët, teksa udhëtonin në aksin rrugor Shkodër- Koplik, rreth orës 17.55 minuta, në vendin e quajtur Shtoj i Ri, kanë humbur kontrollin duke rënë në kanalin në anë të rrugës.

Përplasja ka qënë  fatale, duke i marrë jetën dy të rinjve. Viktimat Ervin Medi Ndreca dhe Eugen Sami Ndreca, të cilët ishin djem xhaxhallarësh me njëri tjetrin, ishin të dy nga fshati Boriç i Madh i Malësisë së Madhe dhe po udhëtonin nga Kopliku në drejtim të Shkodrës me BMW-në me targa italiane BV 003 BT.

Sipas dëshmitarëve në vendngjarje, viktimat kanë tejkaluar shpejtësinë dhe kanë humbur kontrollin mbi automjetin; për të evituar përplasjen me mjetet e tjera, autovetura ka dalë nga rruga, duke u përplasur me një mur rrethues dhe më pas ka rënë në kanal.

Përplasja shumë e fortë mendohet se i ka sjellë menjëherë vdekjen të aksidentuarve. Fillimisht, përsonat që ishin pranë ngjarjes së rëndë janë munduar që t'iu japin ndihmen e parë per t'i shpëtuar jetën dy të rinjve, por përpjekja e tyre ka qënë e kotë, pasi ata kishin ndërruar jetën menjëherë.

Trupat e tyre u dërguan në morgun e spitalit rajonal të Shkodres. Në vendngjarje mbërritën edhe efektivët e policisë rrugore dhe grupi hetimor, të cilët kanë nisur hetimet për zbardhjen e plotë të këtij aksidenti të rëndë që shënoi dy viktima, ndërsa dyshohet se shkak ka qënë shpejtësia tej normave të lejuara.

Ervin dhe Eugen Ndreca ishin djemtë e vetëm të vëllezërve Medi dhe Sami Ndreca nga Boriçi i Madh. Ata po udhëtonin nga Shkodra drejt qytetit të Koplikut, ku banonin, por për fat të keq gjithçka përfundoi në mënyrë tragjike për ta.

aksidenti ne shkoder
(Në foto, automjeti ku humbën jetën 2 të rinjtë)

aksidenti ne shkoder
(Në foto, automjeti ku humbën jetën 2 të rinjtë)

trupi i viktimes shkoder
(Në foto, trupi i njërit prej viktimave)

Lajm në përditësim nga ora 18:35
Redaksia online
(ar.sh/Shqiptarja.com)