Shkodër, pronari shkon t'i marrë qiranë, gjen në banesë trupin e dekompozuar të 39 vjeçarit nga Korea e Jugut

Kishte muaj që nuk kishte marrë asnjë përgjigje nga qiramarrësi koreano jugor, prandaj vendosi të shkonte vetë tek banesa e të trokiste në derë.

Mbrëmjen e djeshme (7 gusht 2023) 38 vjeçari është nisur drejt banesës që kishte lënë me qira në në lagjen “Naim Gjylbegu” ku ka gjetur trupin e dekompozuar të qiramarrësit 39 vjeçar të identifikuar me incialet D.K.

I shokuar 38 vjeçari ka telefonuar policinë e cila ka shkuar menjëherë në vendin e ngjarjes

“Sipas deklarimeve të 38-vjeçarit, ai kishte shkuar në këtë banesë, pasi prej muajsh nuk kishte përgjigje nga qiramarrësi i saj, shtetasi D. K., dhe kur ka konstatuar trupin e dekompozuar të këtij shtetasi, ka njoftuar menjëherë Policinë” informoi sot policia e Shkodrës.

39 vjeçari lindur në Korenë e Jugut kishte që nga muaji shkurt 2022 që ishte banues në Shkodër.

Dyshohet se burri ka humbur jetën nga mbidoza e lëndëve narkotike.

“Nga këqyrja paraprake e trupit të 39-vjeçarit, nuk janë konstatuar shenja dhune, ndërsa nga kontrollet e imtësishme në këtë banesë, janë gjetur disa doza të dyshuara të lëndëve narkotike. Paraprakisht dyshohet se shtetasi D. K. e ka humbur jetën nga mbidoza e lëndëve narkotike”

Grupi hetimor vijon punën për sqarimin e plotë të rrethanave të kësaj ngjarjeje.

S.G/Shqiptarja.com

TAG:
• Shkoder