Ndërkohë që operacionet Anti-Cannabis vazhdojnë policia e Shkodrës ka bërë të mundur të sekuestrojë një tjetër sasi lënde narkotike me peshë rreth 92.5 kg të llojit Cannabis Sativa.
 
Ndërkohë bëhet e ditur se më datë 16.05.2017, nga shërbimet e Komisariatit të Policisë Vau i Dejës në bashkëpunim me D. V. P. Shkodër, në fshatin Qerret, Njesia Administrative Temal, Bashkia Vau i Dejës, gjatë kontrollit të territorit në vendin e quajtur Maja e Qerretit, zonë e pyllëzuar, u gjetën dhe u sekuestruan në cilësinë e provës materiale në 4 thase dhe 2 bidona, një sasi lënde narkotike me peshë 92.5 kg Cannabis Sativa.
 
Gjithashtu nga informacionet mësohet se policia  e Shkodrës po  vijon hetimet për zbardhjen e rrethanave,  si dhe për identifikimin dhe kapjen e autorëve.
 
Materialet iu referuan Prokurorisë së Rrethit Gjyqësor Shkodër, për veprën penale "Prodhimi dhe shitja e narkotikëve" e parashikuar nga neni 283 i Kodit Penal.

[gallery]22306[/gallery]

Redaksia online
D.M/Shqiptarja.com