Shkodër, vret fqinjin. Pasi i krasiti
pemët hodhi degët në tokën e tij 

SHKODER- Vret fqinjin pas një sherri i cili kishte nisur në momentin kur viktima kishte krasitur pemët dhe degët i kishte hedhur në tokën përpara banesës së tij. Të paktën ky është motivi që policia ka dhënë për vrasjen e ndodhur sot paradite në fshatin Ashtë të komunës Bushat në Shkodër.


Viktima Çesk Pejtri, 40 vjeç dhe autori Mark Ndoja, 60 vjeç ishin fqinjë dhe kishin banesat pranë njëri tjetrit. Fqinji i kishte kërkuar 40 vjecarit që të mos i hidhte më degët e pemëve pasi, toka i përkiste atij, mirëpo ky i fundit e kishte injoruar. Pas një debati në mes Pjetrit dhe Ndojës, 60 vjeçari është kthyer në banesë vetëm 30 metra larg , ka marrë armën e gjahut dhe i është drejtuar 40 vjeçarit i cili në ato momente sapo kishte hedhur disa degë të tjera. Pa e paralajmëruar Marku ka qëlluar dy herë në drejtim të Pjetrit, i cili ka mbetur i vdekur në vend pasi shasmet e çiftes i kanë prekur organet jetike 40 vjecarit.

Pas krimit policia arrestoi autorin, ndërsa kanë sekuestruar edhe armën e krimit. Nga ana tjetër forcat e policisë kanë marrë në mbrojtje banesën e Mark Ndojes nga frika e ndonjë hakmarrjeje te të afërmve të Çesk Pjetrit pasi edhe banesat e tyre ndodhen vetëm 50 metra larg njëra tjetres.

Uniformat blu kanë bërë edhe shoqërimin e të afërmëve të Ndojës që kanë dijeni mbi ngjarjen si dhe autorin e ngjarjes i cili është marrë në pyetje në komisariatin e Shkodres.

Por përveç krimit të ndodhur në fshatin e Ashtës një tjetër incident është shënuar në mes uniformave blu dhe familjarëve të viktimës ku këto të fundit kanë tentuar të marrin trupin e pajetë pasi viktima ka qëndruar për më shume se 30 minuta në toke për shkak se ka vonuar autoambulanca e morgut. 

Redaksia online
(sg/shqiptarja.com)