Shkresa e Veliajt për interes pa vendim të Këshillit Bashkiak? Rama flet për veprimin e kreut të Bashkisë

 

Në lidhje me akuzën që opozita i bën kryetarit të Bashkisë së Tiranës se ka firmosur një shkresë për shprehje interesi për Inceneratorin e kryeqytetit pa vendim të Këshillit Bashkiak, Kryeministri Rama tha se nuk ka një shkresë që ai jep fonde pa vendim Këshillit.  

"Kjo shkresë është me vlerë zero në aspektin kontraktual. Ecja e procesit ka vijuar. Kryetari i bashkisë këtu nuk është angazhuar për asgjë tjetër për shkak të disponibilitetit për të zgjidhur situatën. Procesi ka ngecur. Angazhimi kontraktual nis nga fondet që miraton Këshilli Bashkiak. Letra është në mars, kontrata është në gusht. Këtu s'kemi asnjë lloj problemi të natyrës së një angazhimi të paligjshëm për fonde. Në këndvështrimin tim gjithmonë e rëndësishme është pasoja. Pasoja është pastrimi i Tiranës", tha Rama. 

LEXO EDHE:
'I kanë bërë vendit krimet më të mëdha’, Yzeiri: Meta e Berisha sulmojnë SPAK s’e s’janë ndëshkuar! Rama me diasporën? S’mund t’i përdorim si spektatorë futbolli

Tabaku: Patëm dëshminë e kryetarit të bashkisë së Tiranës i cili pranoi që ka nisur një shkresë për angazhimin e qytetit të të në mars të 2020 për një kontratë për të cilën Këshilli Bashkiak mori një vendim për buxhetin. Përgjegjësitë e kryetarit dhe të këshillit bashkiak janë të qarta. Kemi pasur raste të ngjashme për tejkalim kompetencash në rastin e Fierit dhe Elbasanit dhe në rastin e Ministrit të Financave të cilat provojnë se këto persona ekspozojnë buxhetin e shtetit në 430 mln euro.

Rama: U bë si Big Brother në seancën e fundit do të merret vesh ku është. Nëse gërmoni në bashkinë e Tiranës do gjeni shkresa të kohës tuaj por edhe të miat. Kryetari i bashkisë është autoritet i zgjedhur. Nuk angazhon fonde por angazhon bashkinë, me sa unë e pashë kryetari i bashkisë s'ka marrë angazhim financiar, ka shprehur opinion pozitiv për të marrë në konsideratë këtë projekt, nëse ju më jepni shkresën ku kryetari i bashkisë jep fonde pa miratim të KB atëherë flasim ndryshe. Po patjetër do thotë po jemi të interesuar për këtë projekt".

Lajmi kryesor:

Inceneratorët/ Rama 10 orë dëshmi, nxjerr blof Tabakun: 430 mln eurot e "aferës'' janë llogaritur nga PD për menaxhimin e mbetjeve deri në 2047-n! Shuma e investuar realisht: Vetëm 55.3 mln për Elbasanin e Fierin

K.T./Shqiptarja.com

TAG:
• komisioni hetimor per inceneratoret
• edi rama
• inceneratoret
• Jorida Tabaku