Shkrimtarja e njohur Flutura Açka në një postim në faqen e saj në Facebook ka reaguar ashpër kundër vendimit të Bashës që la jashtë Jozefina Topallin, Bregun, Patozin dhe emra të tjerë të njohur të demokratëve.
 
“Unë nuk di kush do të bëjë opozitë, se të bërit opozitë do edhe sharm edhe mend edhe ndershmëri, veç në paçi vendosur të bashkëqeverisni me bijtë e atyre që pagëzuan komunizmin, pa kërkuar ndjesë kurrë” thotë ajo ndër të tjera.
 
Postimi i plotë
As nxjemje nuk bëhet me këtë listë…
Unë nuk i di problemet e partisë, por di se Jozefina Topalli ka qenë një opozitare e vërtetë, ndër të paktat që bënte opozitë në këto katër vite, kur të tjerër flinin.
 
Ndër të paktat që ia ndryshoi hijen e rëndë asaj godine me sharmin e saj. E para që mundi të thyejë protokollet e ftohta dhe e hapi derën për artistë, mjekë, shkencëtarë.
 
E vetmja që nuk u përfol në popull si ‘xhepiste’ e shtetit në pozicionin e saj.
 
Unë nuk di kush do të bëjë opozitë, se të bërit opozitë do edhe sharm edhe mend edhe ndershmeri, veç në paçi vendosur të bashkëqrverisni me bijtë e atyre që pagëzuan komunizmin, pa kerkuar ndjesë kurrë.
 
Keqardhje, PD nuk ka nevojë nxemje për në pushtet, por të marrë pushtet!!!

Flutura Açka

dy.b/shqiptarja.com