POP 5

Lajmet më të lexuara të 5 minutave të fundit

Kronikë

Shkup, mijëra shqiptarë në shesh
Ja kërkesat për rastin "Monstra"

Mijëra shqiptarë të Maqedonisë marshuan paqësisht përgjatë një ore, kundër vendimit të Gjykatës për të dënuar me burgim të përjtshëm 6 shqiptarë për rastin “Monstra”. Një kordon i madh policor dhe autoblinda nuk lejuan lëvizjen e protestuesve para Gjykatës. Kerkesat e protestuesve: Lirimi i të dënuarve, shkarkimi i Jankullovskës e Geshovskës. Në protestë edhe kampioni i Europës në boks, Nuri Seferi dhe kryetari i Strugës, Ziadin Sela.
VIDEO  FOTO
FOTOLAJM/ Ja si duket Shkupi në prag të protestës
VIDEO
Protestat, digjet flamuri maqedonas në Prishtinë
Kthehen në kufi protestuesit nga Kosova e Shqipëria
SHKUP - Dyfish në numër nga protestat e të premtes së kaluar, mijëra shqiptarë të Maqedonisë marshuan paqësisht përgjatë një ore, kundër vendimit të Gjykatës për të dënuar me burgim të përjtshëm 6 shqiptarë për rastin “Monstra”.

Një kordon i madh policor dhe autoblinda ishin vendosur përballë qendrës “Mavrovasja”, të cilët nuk lejuan lëvizjen e protestuesve para Gjykatës së Shkupit, ndërsa protestuesit me akuzat se ndaj shqiptarëve është zhvilluar një proces i manipuluar gjyqësor, thërrisnin parullat:

"Gruevski, e keqja fshihet në mozaik", "UÇK, jo BDI, UÇK me popullin", "Monstra, Brodeci, Harun Aliu". 

Ministria e Brendshme shtoi masat e sigurisë në kryeqytet, për të shmangur kontaktin e mundshëm të turmave protestuese, por gjithcka kaloi paqësisht.

PROTESTAT ne shkup

Protesta filloi nga qendra tregtare Çairçanja, ndërsa në radhët e parë të protestës kanë qenë edhe kampioni i europës në boks, Nuri Seferi, deputeti Hysni Shaqiri dhe kryetari i Strugës, Ziadin Sela.

shkup protesta

Familjaret e te denuarve: T'i jepet fund proceseve te montuara politike

Në deklaratën e lexuar nga njëri prej familjarëve të të dënuarve kërkohet t'u jepet fund proceseve të montuara politike. Kërkohet të shpallet pafajësia për të dënuarit në rastin "Monstra", lirimi i tyre dhe dëmshpërblimi.

Gjithashtu, kërkohet shkarkimi i gjykatëses Geshovska, dorëheqja e ministres Gordana Jankullovska dhe lirimi i të gjithë të ndaluarave gjatë protestave të mëparshme në Shkup dhe në Tetovë.

Kerkesat e protestuesve: Lirimi i të dënuarve, shkarkimi i Jankullovskës e Geshovskës
Në apel shtrohen edhe kërkesat e protestuesve ku thuhet: “Duke konsideruar se bijtë tanë janë krejt të pafajshëm dhe se procesi është krejtësisht i montuar, duke gjykuar njërës që nuk kanë kurrfarë lidhje me vrasjen e pesëfishtë para dy viteve, kërkojmë:”
1.Shpalljen e tyre të pafajshëm, lirimin e menjëhershëm dhe dëmshpërblimin e tyre.
2.Shkarkimin e prokurores dhe gjykatësit të rastit “Monstra” dhe ndjekjen e tyre penale për keq përdorimin të detyrës zyrtare.
3.Dorëheqjen e ministres së Punëve të Brendshme, për shkak të shkeljes së detyrës zyrtare.
4.Lirimin e menjëhershëm të të gjithë të arrestuarve në Shkup dhe Tetovë.
Ky apel u drejtohet edhe partive shqiptare që në këto momente të jenë me popullin e tyre, e jo me ata që diskriminojnë popullin shqiptarë në Maqedoni.


/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Makina përplas për vdekje këmbësorin në aksin Lezhë-Milot (EMRI)

Makina përplas për vdekje këmbësorin në aksin Lezhë-Milot (EMRI)

9 Janar, 18:19