Shkurtohen shpenzimet e deputetëve
Fino: Pse e marrim këtë vendim tani
Shkurtimet e shpenzimeve të transportit për deputetët dhe zyrtarët e tjerë janë diskutuar sot në Komisionin e Ligjeve. Fino: Pse e marrim këtë vendim tani. Dhëmbi tha se “në kuadër të reduktimit të shpenzimeve, deputetët nuk ndëshkohen shumë”.
TIRANE- Shkurtimet e shpenzimeve të transportit për deputetët dhe zyrtarët e tjerë janë diskutuar sot në Komisionin e Ligjeve. Projektligji i sjellë nga qeveria për heqjen e këtyre bonuseve, ka shkaktuar jo pak debate në Komisionin e ligjeve. Projektligji, sipas deputetëve, i kursen shtetit 165 milionë lekë në vit, ndërsa vetëm për 2 muajt e mbetur të këtij viti, shteti përfiton 20 milionë lekë.
Relatori i projektligjit, deputeti i PS-së, Bashkim Fino, tha, se “disa drejtorë entesh apo kryetari i KQZ nuk kanë pse të marrin bonus, nuk janë as të zgjedhur nga populli. Disa institucione sic janë bashkitë, nuk duhet t’ju hiqet bonusi. Ky është diskriminim”.
“Çfarë ka ndryshuar nga ligji i 2009 deri tani që bëjmë këtë ndryshim, përjashto vendimin e Gjykatës Kushtetuese. Pse ne e marrim një vendim tani. Mua më duket shumë absurde një vendim i Gjykatës Kushtetuese, një konflikt interesi i pastër që ata marrin vendim për veten e tyre, që ata duhet të kenë bonuset, dhe ti vjen dhe e pasqyron sot në këtë ligj, sepse e thotë Gjykata Kushtetuese, se e ka në dorë të gjykojë një vendim të Parlamentit. Atëherë kush e ka në dorë për t’i mbrojtur të gjitha këto struktura të tjera këtu, të përfituesve të kategorisë së dytë e kështu me radhë”, u shpreh Fino.
Në Komisionin i Ligjeve, Mimoza Dhëmbi, Drejtoreshë e Përgjithshme në ministrinë e Financave, shpjegoi arsyet e heqjes së bonuseve për zyrtarët, dhe shkurtimet për disa të tjerë. Sipas saj, nga përfitimi nga ky projektligj, mund të shpërndahet në formën e ndihmës ekonomike për 3 mijë familje.
Dhëmbi tha se “në kuadër të reduktimit të shpenzimeve, deputetët nuk ndëshkohen shumë, sepse nga 45 mijë lekë në muaj, ju është ulur 40 mijë lekë”.
Në përgjigje të pyetjeve të relatorit Bashkim Fino, drejtoresha e ministrisë së Financave, Mimoza Dhëmbi, tha se “Pyetja e parë se çfarë ka ndryshuar që nga viti 2009 që është miratuar ky ligj. Në momentin që u miratua kishte një concept të caktuar që do të eliminoheshin automjetet, një numër i madh automjetesh do të kurseheshin shumë shpenzime shoferësh karburanti, etj. Dhe do të vendoseshe ky bonus, ku secili nga këta zyrtarë të lartë do të përgjigjej vetë për transportin. Por aktualisht kemi ardhur në konkluzionin, nga zbatimi nga 2009 e deri më tani, që disa funksione pengohen në kryerjen e detyrave funksionale nëse mbeten në listën e bonusit. Për Gjykatën Kushtetuese që ishte pyetja e fundit, po, Gjykata Kushtetuese ka marrë një vendim menjëherë pas miratimit të ligjit, dhe ky ligj ka qenë nul për pushtetin gjyqësor, ne tani thjesht po e refletkojmë, por ai nuk është aplikuar, bonusi nuk është përftiuar nga zyrtarët e pushtetit gjyqësor”.
Redaksia Online
(e.s/shqiptarja.com)
Sondazhi i ditës:
'Rasti Qefalia', a fshihen gjobat pas akuzave të Këlliçit, Nokës, opozitës?
-
Po
69.1%
-
Jo
19.1%
-
Ndoshta
11.8%
Vota total: 2355
Votat totale janë unike
Lajme të tjera
-
Zgjedhjet në Himarë/ 23 mijë e 74 qytetarë me të drejtë vote! KQZ miraton numrin e fletëve të votimit
20 Korrik, 13:00
-
Zgjedhjet në Himarë, Kolegji Zgjedhor: KQZ të paraqesë projektvendim të ri për afatet
17 Korrik, 14:55
-
PS padit KQZ në Apel: Të miratojnë menjëherë afatet për zgjedhjet në Himarë
15 Korrik, 09:58
-
Zgjedhjet në Himarë/ Celibashi nuk tërhiqet: Heqja e mandatit të Belerit, e drejtë! Vendimi i komisionit rregullator nuk pengon procesin
11 Korrik, 14:38
-
Opozita merr shumicën e komisionerëve të KZAZ në Himarë
11 Korrik, 14:00
-
Dekriminalizimi/ KQZ nis verifikimin e kryebashkiakut të PS në Malësisë së Madhe! PD e akuzon Tonin Marinaj për trafik droge në Itali
11 Korrik, 12:35
-
‘Zgjedhorja’ ambasadori i OSBE-së apel: Emigrantët të votojnë! PD-PS pranojnë dështimin e Reformës, fajësojnë njëra-tjetrën
9 Korrik, 10:23
-
Mero Baze: Pse PD është shqetësuar nga zgjedhjet e reja të 4 gushtit
5 Korrik, 21:03
-
Fatura e zgjedhjeve të 2025-ës më 'e kripur' se e 2021! Qeveria planifikon 20 mln euro, por KQZ kërkon 66 mln euro: Për teknologjinë, votim elektronik në 8 bashki
5 Korrik, 14:05
-
U dënua për blerje votash, Fredi Belerit i hiqet mandati si kryetar i Himarës! Mbrojtja: Ta shkarkonte Rama! Dule: Vijojmë përballjen ligjore
5 Korrik, 10:02
-
Pas kërkesës së PD për verifikimin e kryebashkiakut të Malësisë së Madhe, Prokuroria e Përgjithshme vihet në lëvizje! Letër KQZ
4 Korrik, 14:30
-
Fredi Beleri kërkon të jetë në seancë, shtyhet për nesër vendimi i KQZ për mandatin si kryebashkiak i Himarës
4 Korrik, 11:29