Shokët i thanë se po e kërkonin te 'Pa Gjurmë', pas dy muajsh i riu nga Patosi rilidh kontaktet me familjen

TIRANË- Dy muaj pasi kishte humbur çdo kontakt me familje, Ardit Kamberaj "jep shenja jete". Pasi mësoi nga shokët se familja e tij kishte nisur ta kërkonte në "Pa Gjurmë", Arditi mori në telefon nënën e tij dhe i dha lajmin që ishin lutur çdo ditë, për dy muaj rresht, ai është mirë. Në studion e "Pa Gjurmë", nëna  e tij Drita tha se është mjaft e gëzuar që kishte mundur të dëgjonte zërin e djalit, pas humbjes së kontakteve me të nga Gjermania.

"Më datën 21 mori djali në 2 të drekës. Hap telefonin dhe u gëzova shumë. Më tha: Mama, unë jam mirë, pse duhet të shqetësohesh ? Nga ai moment foli dhe me të atin dhe me vëllanë. U kënaqa që djali im ishte mirë. Më tha se jetonte tek i njëjti vend. Nuk kisha lekë më tha për telefon, kam qenë pak hollshëm, prandaj nuk ju kam marrë. Më tha do të marr përsëri vetë. Akoma ishte i papunë. Nuk më tha me kë jetonte. Ndoshta mund të ketë shkuar edhe në Zvicër, por nuk më tha mua që të mos bëhesha merak. Më tha mos u bëj merak se jam  mirë. Tani për tani nuk të flas dot shumë, më tha. Një telefonatë në pak minuta ishte"-rrëfeu nëna.

Familja denoncoi për herë të parë zhdukjen e të birit, djalit nga Patosi në emisionin "Pa Gjurmë" pak ditë më parë. Shokët e kishin njoftuar Arditin se kërkohej në emision dhe kjo ka sjellë reagimin e të riut, i cili nuk ka nguruar të marrë në telefon familjen për t'i pohuar që është mirë.

Ardit Kamberaj, 20-vjeçari nga Patosi u nis për herë të parë drejt Gjermanisë më 7 dhjetor 2019. U vendos konkretisht në Groping, Gjermani dhe deri më 9 janar 2020 në orën 21:00  ka patur kontakte të rregullta me familjen e tij dhe më pas telefoni i tij rezulton i fikur. U largua pa dijeni të familjes, ato u informuan vetëm mbasi Arditi i lajmëroi se kishte mbërritur në destinacion. Atje ai do të punonte në kuzhinë për të siguruar të ardhura pasi vijonte studimet, student i vitit të parë për inxhinieri.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

'Tempulli' deri tani u sekuestruan mbi 1600 kg drogë, Balla: Do vijojmë

'Tempulli' deri tani u sekuestruan mbi 1600 kg drogë, Balla: Do vijojmë