Shpëtim Idrizi: Kandidimi i Fredi Belerit gafë e opozitës, i dënuar për përdhosje të simboleve kombëtare

 

Kreu i PDIU, Shpëtim Idrizi thotë se kandidimi i Fredi Belerit nga opozita në zgjedhjet vendore të 2023 në bashkinë e Himarës është një gafë e opozitës.

I ftuar në Report Tv, në emisionin ‘Studio Live’ me gazetarin Arbër Hitaj, Idrizi tha se një figurë si Beleri, me 3 emra dhe 3 dënime, nuk i bënte mirë as vendit, as opozitës dhe as grekëve.

“Ka një vit e ca që në çdo studio bëhet diskutim për të drejtat e njeriut me tre emra dhe tre dënime, Fredi Beleri. Njërin e ka për poshtërim të Republikës së Shqipërisë dhe për të drejtat e njeriut të shqiptarëve të Çamërisë të vrarë e të masakruar nuk flet njeri. Na thotë Greqia për të drejtat e njeriut të me 3 emra dhe 3 dënime, ndërkohë Greqia është i vetmi vend që nuk njeh asnjë prej minoriteteve. Ajo ishte gafë e opozitës, të marrësh njeriun me 3 emra dhe 3 dënim me burg, një për armëmbajtje pa leje, dy për poshtërim të Republikës së Shqipërisë dhe cenim të simboleve kombëtare, i akuzuar për masakrën e Peshkëpisë, nuk i bën mirë as opozitës, as vendit, as grekëve vetë”, tha Idrizi.

Lajmi kryesor:

‘Nëse luan ndokush mendsh’, Idrizi në Report Tv: Greqia në gjendje lufte me ne, çështjen e ligjit ta ngremë në NATO e BE! Rama vuri 'vijat e kuqe'

SI.E./E.B/Shqiptarja.com

TAG:
• greqi
• edi rama
• rama tur me diasporen
• studio live
• shpetim idrizi