POP 5

Lajmet më të lexuara të 5 minutave të fundit

Sport

Shqipëri 2025/ Investohet në 'Arena Egnatia', shtohen tribunat dhe sistemi i ndriçimit! Dervishaj: Vjen UEFA për inspektim

Shqipëria do të mirëpresë për herë të parë finalet e Kampionatit Europian U-17, kjo në muajin maj 2025.  

Shqipëri 2025/ Investohet në 'Arena Egnatia', shtohen tribunat dhe sistemi i ndriçimit! Dervishaj: Vjen UEFA për inspektim

'Arena Egnatia' dhe Arben Dervishaj

Shqipëria do të mirëpresë për herë të parë finalet e Kampionatit Europian U-17, kjo në muajin maj 2025.  

Federata Shqiptare e Futbollit në bashkëpunim me UEFA-n, do të organizojë këtë event historik, duke zhvilluar të gjitha ndeshjet në katër stadiume të përzgjedhura; “Arena Kombëtare”, “Elbasan Arena”, “Egnatia Arena” dhe “Niko Dovana”.

Stadiumi “Egnatia Arena” në Rrogozhinë është drejt përfundimit të rikonstruksionit të plotë. Investimet përfshijnë; instalimin e një sistemi modern ndriçimi, pajisjen me ekran led perimetral, punime në tribuna dhe vendosjen e stolave të rinj dhe përmirësime të tjera të infrastrukturës së stadiumit.

Ndërkohë që në Rrogozhinë për inspektime këtë të enjte ka qenë zv.presidenti i FSHF-së, Arben Dervishaj. Ai tha se po punohet me ritme të shpejta që gjithçka të jetë gati, me stadiumin që sipas përcaktimeve të UEFA do jetë i Kategorisë 3.

"Punimet kanë ecur mirë, është bërë goxha punë. Tani kemi përgatitjet e fundit për t'i dhënë formë stadiumit, që të jetë gati për Superligën dhe Euro 2025. Në fund të janarit do kemi një vizitë nga specialistët e UEFA-s që do vlerësojnë të gjitha detyrat që na kanë lënë dhe ato që duhen për finalet.

Duhet të biem dakord edhe me klubin se kur do e zhvillojmë ceremoninë e inaugurimit të stadiumit. FSHF dhe klubi Egnatia kanë investuar rreth 2 milionë euro në fazën e dytë. Kemi impiantin e ndriçimit me drita Led me intensitet ndriçimi 1500 lux që i standartit ndërkombëtar. Stadiumi është i Kategorisë 3 sipas përcaktimeve të UEFA-s", tha Arben Dervishaj.

Finalet e Kampionatit Europian U-17 “Shqipëri 2025” do të zhvillohen nga 19 maji deri më 1 qershor 2025.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

9 Janar, 22:49