POP 5

Lajmet më të lexuara të 5 minutave të fundit

Sociale

Shqipëria do të përdorë një tjetër vaksinë kineze, ‘Coronavac 600 SU/IM-Suspension’ ka të njëjtën përmbajtje me Sinovac

Vendi ynë ka vendosur që të përdor një tjetër lloj të vaksinës Kineze (CoronaVac 600 SU/IM-Suspension) e cila ka të njëjtën substancë si vaksina Coronavac (Vero Cell) e perdorur deri më tani në Shqipëri, të dyja vaksinat janë prodhuar nga Sinovac

Brenda pak ditësh pritet që të mbërrijë në vendin tonë dërgesa e radhës me vaksina kineze, pas një vonese që ka krijuar pengesë për dhënien e dozave të dyta për qytetarët e vaksinuar më herët me Sinovac. Por kjo vonesë ishte paralajmëruar më datë 5 prill të këtij vitit  nga kompania Turke “Keymen Ilac Sanayi ve ticaret” e cila bën furnizimin e Shqipërisë me vaksinën kineze CORONAVAC (VERO CELL) të prodhuar nga Sinovac Life Science Co Ltd.

Report tv ka mësuar se kjo kompani ka ndërprerë furnizimin e distributorit turk “Keymen” me vaksinën Coronavac (Vero Cell). Për këtë arsye kompania turke propozon që të sjellë në Shqipëri vaksinën që po përdoret aktualisht në Turqi, Coronavac 600 SU/IM-Suspension të prodhuar nga Sinovac.

Kompania turke garanton që të dyja vaksinat kanë të njëjtën formulë që prodhohet nga e njëjta kompani.

Për të marrë një vendim për këtë propozim u mblodh Komiteti i Ekspertëve për Imunizimin, që pas shqyrtimit te dokumnetacionit shprehu dakortësinë për përdorimin e kësaj vaksine. Të njëjtin vendim mori dhe Komiteti Teknik i Ekspërtëve që më pas u zyrtarizua dhe me akt normativ.

Edhe kjo vaksinë kineze, e njëjtë me atë që u përdor fillimisht në vendin tonë, nuk ka marrë aprovim për përdorim emergjent nga OBSH.

Ardhja e ngarkesës së radhës me vaksina kineze do të përdoret për dozat e dyta të qytetarëve, si dhe do të rinisë vaksinimin me doze të parë po me vaksinën kineze.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça