POP 5

Lajmet më të lexuara të 5 minutave të fundit

Opinion

Periferi

Shqipëria ka nevojë për një presidente grua. Qoftë dhe si Jozefina Topalli

Dhe shqiptarët qënkan një popull i jashtëzakonshëm. Ku ka shembuj të tjerë të ngjashëm në politikë në vendet e qytetëruara, që eksponentë kaq të rëndësishëm si këta në krye të Shtetit shqiptar, duke nisur nga Presidenti, deri te liderë partish kryesore, të bëjnë thirrje për grushte shteti, revolta, dhunë, e deri në kërcënime e përndjekje, e një popull të mos i ndjekë. Shqiptarët qënkan engjëj!

Shqipëria ka nevojë për një presidente grua. Qoftë dhe si Jozefina Topalli

Maksimumi i agresivitetit që një grua si Jozefina Topalli, politikane karriere në një parti si Partia Demokratike, ishte “kapini për zhelesh…” për të nxjerrë jashtë Kuvendit opozitën e atëhershme, Partinë Socialiste. Një tjetër politikane, Mesila Dode, mbahet mend për artikulimin e saj të ashpër që kërkonte “të vareshin tek palmat në boulevard”, kundërshtarët. Janë fjalë të rënda, por mbetet më e rënda fjalë dhe vetëm fjalë që një grua ka shprehur në politikë. Dhe sa ndryshe, e lire dhe e guximshme eshte Jozefina Topalli jashte ndikimit te PD-se.  Por asgjë nga këto nuk mund të krahasohet me veprime, dhunë e nxitje për dhunë që shumë eksponentë burra të politikës shqiptare vazhdojnë të ushqejnë e të fryjnë përditë mbi shqiptarët. Dhe shqiptarët qënkan një popull i jashtëzakonshëm. Ku ka shembuj të tjerë të ngjashëm në politikë në vendet e qytetëruara, që eksponentë kaq të rëndësishëm si këta në krye të Shtetit shqiptar, duke nisur nga Presidenti, deri te liderë partish kryesore, të bëjnë thirrje për grushte shteti, revolta, dhunë, e deri në kërcënime e përndjekje, e një popull të mos i ndjekë. Shqiptarët qënkan engjëj!

Të fshikulluar nga ofendime, shpifje, gënjeshtra, intriga, edhe popuj më të stërvitur, të ditur e me demokraci solide kanë rrëshkitur në hone që ende nuk dimë se ku kanë për t’i nxjerrë. Më vijnë në mendje ngjarje në Britaninë e Madhe dhe në Shtetet e Bashkuara. Apo italianët që i besuan në shumicë e me zemër fejbuksit Beppe Grillo, duket qartë që tashmë janë penduar. Rezultatet zgjedhje pas zgjedhjeve po izolojnë gjithnjë e më shumë atë që shkëlqeu nga rrjetet sociale, të famshmen Lëvizje 5 yje.

Kur them një grua për president, kam në mendje të gjitha gratë shqiptare në fusha nga më të ndryshmet që janë pakrahasueshmërit të cënuara në krahasim me disa kolegët e tyre. Në drejtësi, në media, në politikë, analiste nëpër studio televizive, në mjekesi, në arsim, në art, etj. etj. Asnjë grua shqiptare nuk ka shkelur vijën e kuqe e të pakapërcyeshme që ka të bëjë me cënimin e lirisë së mendimit dhe të zgjedhjeve personale si dhe paprekshmërinë fizike të individit. Shqipëria është plot me burra të vrazhdë, agresivë në politikë. Nuk është më koha e lodhshme, e rrezikshme, e çmendur e tyre.

xy/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ja vlen: 19/09/2020 17:45

    Te jet Grida Suma do bej terheqje te shume veteve do ti kendojne serenata te presidenca dhe packa se radha do jete e gjate fo kendojne dhe kulufruthin

    Përgjigju
  • Une them: 19/09/2020 17:40

    Albana Vokshi presidente

    Përgjigju
  • Zall Kiri: 19/09/2020 17:18

    Moj Alba,mos nuk je mire? Po ku vajte gjete me te shpifuren!? Nuk paska me gra ne Shqiperi....?

    Përgjigju
  • katoliku: 19/09/2020 17:07

    Jozefina asht kart e djegun, por ideja e nji gruaje dhe sa me shume gra ne drejtim asht e mirpritun

    Përgjigju
  • drejtesia: 19/09/2020 16:12

    Nuk te them per Jozefinen por jam 100 perqind dakord per gangsterret e politikes shqiptare me ne krye Salehun e Mete floririn

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu