POP 5

Lajmet më të lexuara të 5 minutave të fundit

Shqipëria me 29 sportistë në Lojrat Mesdhetare, tenistja Bajri dhe peshëngritësja Veli: Synojmë medalje! Mungojnë Calja dhe Smajlaj

Shqipëria do përfaqësohet me 29 sportistë në Lojrat Mesdhetare që zhvillohen në Algjerisë. Tenistja Grejsi Bajri, por edhe kampionia e europës në peshëngritje Evangjeli veli premtojnë se do japin gjithçka që kuqezinjtë të kthehen me medalje, ndërkohë që për shkak të vonesës së fondit nuk do marrin pjesë sportet ekipore.

Nga data 25 qershor deri më 6 korrik do të mbahen në Oran të Algjerisë Lojrat Mesdhetare ku marrin pjesë 26 shtete, mes tyre edhe Shqipëria, që do përfaqësohet nga 29 sportistë në 10 sporte të ndryshme.

“Jam shumë krenare që kam arritur të marrë pjesë në Lojrat Mesdhetare. Kam objektiva shumë të mira për turneun. Shpresoj që konkurenca të jetë e fortë dhe të arrij të tregoj veten. Dua të arrij në gjysmëfinale, finale, por nëqoftëse arrij medalje do jetë shumë e veçantë,”-u shpreh Grejsi Bajri, teniste.

“Objektivi im është të futem në zonën e medaljeve. Jemi përgatitur fort këtë periudhë. Jemi 14 sportistë që garojmë ku 4 prej tyre i shoh si kundërshtar shumë të fortë. 80% janë shanset që të marr medalje,”-deklaroi Indrit Çullhaj, xhudist.

“Do jetë pak më e vështirë sesa europiani për mua sepse do garoj në një peshë që nuk është e imja. Megjithatë do bëj më të mirën sepse do mundohem për një medalje që të dëgjojmë himnin shqiptar në Oran,”-tha Evangjeli Veli, peshëngritëse.

Shqipëria në Lojrat Mesdhetare nuk do përfaqësohet me asnjë sport ekipor si volejbolli dhe basketbolli.

“Këtë vit buxhetet janë vonuar pavarësisht se erdhën. Buxhetet shpërndahen në janar. Mos të vijnë as në prill, as në maj, as në qershor. Federatat nuk kanë mundësi për të planifikuar të çojnë sportistë me aq buxhete sa kanë,”-u shpreh Fidel Ylli, president i KOKSH-it.

Për shkak dëmtimi në Omar nuk do garojnë dy kampionët ndërkombëtar si Briken Calja dhe Izimir Smajlaj, të dy të dëmtuar.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Mos harroni të merrni çadrat! Reshje shiu në të gjithë vendin

Mos harroni të merrni çadrat! Reshje shiu në të gjithë vendin

29 Janar, 07:10